HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 23 873 Çivril Hilâl-i Ahmer Şuʻbesi Fî 2 Temmuz 1339 [1923] târîhinde Çivril Hilâl-i Ahmer Şuʻbesi'nin resm-i küşâdı icrâ edilmişdir. _______________ Tarsus Hilâl-i Ahmeri'nin Bir Taʻmîmi Tarsus'da çıkan Tarsus gazetesinin 25 Haziran târîhli nüshasında okunmuşdur: "-Tarsus Umûm Zürrâʻ ve Ahâlî-i Hamiyet-mendânına, Biz müslümânları mahv ve memleketlerimizi zabt etmek üzere üzerimize saldıran düşmanla- ra karşı göğüslerini geren gâzî asker kardeşlerimizin muhtâc-ı muʻâvenet âile ve çocuklarına ve bu uğurda şehîd düşüp hâmîsiz kalan, [305] yâdigâr bırakdığı evlâdına ve eşyâları yağma ve köyleri ihrâk edilip muhâceretden avdet eden sefâlete düşmüş ahâlîmize şimdiye kadar olunan fedâkârlıkdan mehmâ emken bir muʻâvenet ve yardım edilmiş ise de cümlesine sârî ve şâmil olamamış olanlara ufak bir muʻâvenet kabîlinden ibâret kalmışdır. Âile-i merkûmûndan istihbâr edilenler de şuʻbemize mürâcaʻatdan geri durmadıkları gibi edenler de mahrûm edilmemekde ise de üzerinden gelmediğin- den kasamızın mevcûdu günden güne azalıp muʻâvenet ve yardım edilemeyecek dereceye varacağı melhûz ve böyle kıyâm-ı hücûmlara karşı fî sebîlillah mücâhede eden fedâkârânın âile ve çocuklarını da gözetip sefîl etmemek muktezâ-yı insâniyet olup muʻâvenet-i mezkûrenin devâm etdirilmesi her hâlde ehemm ü elzem bulunduğu cihetle hasâd zamânı olduğundan vereceklerine az çok demeyip karyenizin hamiyetli büyük zürrâʻına bi'l-mürâcaʻa o âile [ve] çocuklar için birer mikdâr arpa ve buğ- day cemʻ eylemenizi ricâ ve hamiyetinizden bekler, ne verdiği bilinmek ve matbûʻâtla iʻlân olunmak için bir defter tutulması ve o defterle toplanan zahîrenin araba ile şuʻbemize irsâline delâlet ve vesâit buyurmalarını fedâkârlığınızdan ümîd ve intizâr eyleriz, efendim. 20 Haziran 1339 [1923] Tarsus Hilâl-i Ahmer Şuʻbe Reîsi Fuad _______________ Manisa Hilâl-i Ahmer Merkezi Vâridâtı Manisa merkeziyle şuʻabâtın Ramazân rozet hâsılâtı 649 liraya bâliğ olmuşdur. _______________ Hilâl-i Ahmer Dispanserleri Geçen Mayıs zarfında Hilâl-i Ahmer'in Fatih Dispanseri'nde 1168 ve Üsküdar Dispanseri'nde 909 hasta muʻâyene edilmiş ve muʻâyene edilenlere meccânen ilâc dahi verilmişdir. Bundan başka, Cağaloğlu Hastahânesi'ne mürâcaʻat eden 2.587 hastadan 474'üne meccânen ilâc iʻtâ edilmişdir. *** Geçen Haziran zarfında Hilâl-i Ahmer'in Fatih Dispanseri'nde 1.012 ve Üsküdar Dispanseri'nde