HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 23 879 ran mecrûhîn ve mesâibzedegân-ı harb ile aynı derecede alâkadâr bulunan merâkiz ve şuʻabâtımızın bu uğurda îfâ edilecek hidemâta muktezî mâddî vesâiti ihzâr ve bir noktada cemʻini teʼmîn eylemeleri lâzım gelir. Hilâl-i Ahmer Merkez-i Umûmîsi, teşkîlâtı ve vesâit-i mahsûsası ile memleketin kendi gâyesine tevâfuk eden ihtiyâcâtını daha umûmî bir nazarla dâimâ tedkîk ve müşâhede etmekde olduğundan hedef-i faʻâliyeti en mübrem ihtiyâcı tercîh etmek ve onu tehvîne îcâb ederse bütün vesâitiyle şitâb eylemekdir. Cemʻiyet böyle bir karâra muktezî tahsîsâtı iʻtâ ederken yardımına koşacağı muhîtin verdiği mikdâr iʻâneyi mikyâs addedemez. Ekser ahvâlde Hilâl-i Ahmer'e hiçbir iʻâne vermemiş veya pek cüzʼî yardımda bulunmuş olan menâtık ihtiyâcına mevcûd bütün vesâitini hasr ve tahsîs eylediği de vâkiʻdir. Karîben derdest-i intişâr ve irsâl olan icrâât raporumuz, bu hakâyıkın birçok belîğ misâllerini ihtivâ edecekdir. Memleketimizin her tarafında uzun harb senelerinin tevlîd etdiği birçok sefâlet ve ihtiyâc lev- haları karşısında merâkiz ve şuʻabâtımız aʻzâ-yı kirâmının gayr-ı mütecessis bir seyirci vazʻiyetinde kalmaları adîmü'l-imkân ve böyle bir ihtiyâc husûlünde mücellâ muʻâvenetin fâidesi gayr-ı kâbil-i inkârdır. Fakat vezâif-i esâsiyesini bile tamâmen îfâya kâfi kudreti olmayan Hilâl-i Ahmer'in her nevʻ umûr-ı hayriyeyi derʻuhde etmesi de ne nazariyât ne de tatbîkâtça mümkün değildir. Hâl böyle iken merâkiz ve şuʻabâtımızdan lüzûm ve ehemmiyeti iʻtibârıyla tâlî addedilemeye- cek derecede müstaʻcel hidemât için vâkiʻ olan mürâcaʻatların lâyık olduğu ehemmiyetle tedkîk ve tasvîb edilebileceğini de ilâveten kaydeyleriz. Maʻâzallah memleketin herhangi bir cihetinde nâgehânî bir âfet hâdis olur ise mahallî vâridâtını derhâl ona hasretmek kâfi gelmezse îcâbı kadar masraf ihtiyâr [310] etmek merkez-i umûmînizin en ulvî vazîfesi olacakdır. Bu meyânda ahîren Küre felâketzedegânına Kastamonu merkezi vâsıtasıyla nakden ve Şile harîkzedegânına aşhâne ve malzeme-i sıhhiye ve iksâiyesiyle bir imdâd heyʼeti gönderilmek sûretiyle îfâ edilmekde olan hizmet şâyân-ı zikr u beyândır. Hulâsa, cemʻiyetin kuvvet ve muvaffakiyetini tez- yîd eylemek bi'l-umûm teşkîlâtının aynı hedefe müteveccihen hem-âhenk olarak çalışması ile kâbil-i teʼmîndir. 3-Merâkiz ve şuʻabâtımızın umûr-ı mâliye ve hesâbiyesinin yeknesak ve muntazam bir tarzda teʼmîn-i cereyânı için ihzâr ve mukaddemâ irsâl edilmiş olan muhâsebe taʻlîmâtnâmesi mûcebince her üç ayda bir hulâsa-i hesâbiyelerin merkez-i umûmîye gönderilmesi meşrût ve bilhâssa cemʻiyetin vâridât ve sarfiyât-ı umûmiyesiyle vazʻiyet-i mâliyesini şiddetle alâkadâr eden bu noktaya atf-ı ehem- miyet olunması matlûb bulunduğundan keyfiyet bi'l-vesîle tekrâr ricâ olunur. Hâtime-i makâl olarak cemʻiyetimizin îfâsına muvaffak olduğu hidemât-ı ber-güzîdenin devâm-ı tevâlîsine pek kıymetdâr mesâʻînizle iştirâk ve bi'l-umûm faʻâliyetin ânifü'l-beyân esâsât ve îzâhât dâiresinde teʼmîn-i hüsn-i cereyânına himmet buyurulmasını ricâ ve muvaffakiyâtınızı temennî eyleriz, efendim. İstanbul, 27 Haziran sene 1339 (1923) Hilâl-i Ahmer Kâtib-i Umûmîsi Doktor Hikmet " ***