HİLÂL-İ AHMER MECMÛʻALARI / CİLT 2

Osmanlı Hilâl-i Ahmer Mecmû‘ası Sayı 14 484 Fas'da Rabat şehrinde mukîm Ahmed bin el-Hâc Ebubekir Efendi tarafından 200 ve şehr-i mezkûrda mukîm Salih Tekitu Efendi tarafından 75 Fransız frangı vürûd etmişdir. Hilâl-i Ahmer bu müteberriʻîn ve mütevassıtîn-i kirâma alenen takdîm-i şükrân eder. _______________ Doktor Hikmet Bey Hilâl-i Ahmer'e taʻalluk eden bazı husûsât için geçenlerde Ankara'ya azîmet etdiğini yazdığımız Hilâl-i Ahmer Cemʻiyeti Kâtib-i Umûmîsi Doktor Hikmet Bey, vazîfesini baʻde'l-ikmâl şehrimize avdet etmişdir. _______________ Doktor Ömer Lütfi Bey Ankara Hilâl-i Ahmer Murahhaslığı erkânından Doktor Ömer Lütfi Bey murahhaslığa âid bazı husûsâtın tesviyesi için şehrimize muvâsalat etmişdir. _______________ Yunanistan'daki Türk Üserâsının Esâmî Cedvellerinden Büyük Bir Kısmı Nihâyet Gelebildi! Müteʻaddid mürâcaʻatlara rağmen iki seneden beri ele geçiremediğimiz Yunanistan'daki Türk üserâsının esâmî cedvellerinden bir kısmını (Patras, Eski Phalères, Kandiye, Pire garnizonları) bun- dan bir ay evvel, diğer kısmını (Selanik, Preveze, Korfu, Yenişehir, Golos, Lefkas, Girid garnizonları) ise on beş gün evvel Yunan Salîb-i Ahmer Cemʻiyeti maʻrifetiyle alabildik. Numûnesi Hilâl-i Ahmer tarafından tertîb ve tabʻ ve ihzâr etdirilen bu cedveller buradan Yunanistan'a irsâl ve oradan garni- zonlardaki esîrlerimiz tarafından imlâ edilmiş olduğundan [50] bundan böyle üserâmız ile âileleri arasındaki muhâberenin daha sağlam esâslar dâiresinde icrâsı taht-ı teʼmîne alınmışdır. _______________ Teberruʻ İstanbul tüccâr-ı muʻteberesinden Salomon A. Modyano Efendi, mecrûh gâzîlerimize hediye olmak üzere Hilâl-i Ahmer'e "Muzafferiyet" ve "Nasreddin Hoca" sigara kâğıdlarından üç yüz kutu tevdîʻ etmişdir. Hilâl-i Ahmer bu muhterem müteberriʻe alenen teşekkür eder. _______________ Hilâl-i Ahmer'in Dispanserleri Geçen Eylül zarfında Hilâl-i Ahmer'in Fatih Dispanseri'nde 1.568 ve Üsküdar Dispanseri'nde 1.093 hasta muʻâyene edilmiş ve muʻâyene edilenlere ilâc dahi meccânen verilmişdir. Bundan başka Hilâl-i Ahmer, Cağaloğlu Muʻâyenehânesi'ne mürâcaʻat eden 569 hastaya da meccânen ilâc vermişdir. _______________