HİLÂL-İ AHMER MECMÛʻALARI / CİLT 2

Osmanlı Hilâl-i Ahmer Mecmû‘ası Sayı 14 485 Üsküdar Dispanseri Tabîbi Üsküdar Hilâl-i Ahmer Dispanseri [Tabîbi] Sıbgatullah Bey'in On İkinci İzmir-Manisa İmdâd Heyʼeti Tabâbeti'ne taʻyîni hasebiyle mezkûr dispanser tabâbetine Doktor Cemaleddin Bey taʻyîn edilmişdir. _______________ Hilâl-i Ahmer Edebiyâtı Geçenlerde Cenevre'de akd-i ictimâʻ etmiş olan Onuncu Beynelmilel Salîb-i Ahmer Konferan- sı'nda Hilâl-i Ahmer Fahrî Reîsi Müderris Doktor Besim Ömer Paşa ile Hilâl-i Ahmer Birinci Reîs-i Sânîsi Müderris Doktor Âkil Muhtar Beyefendi'nin Hükûmet-i Osmaniye ile Osmanlı Hilâl-i Ahme- ri'ni temsîl eyledikleri ve Müderris Doktor Besim Ömer Paşa'nın Cenevre'den avdetini müteʻâkib bu konferans hakkında bir rapor neşretdiği maʻlûmdur. Bu defa Müderris Doktor Âkil Muhtar Beyefendi dahi Onuncu Beynelmilel Salîb-i Ahmer Konferansı Mukarrerât ve Temenniyâtı nâmıyla 32 sahîfelik mücmel ve muvazzah bir rapor neşrederek konferansın kendisine arz olunan mesâil hakkında ittihâz eylediği mukarrerâtı ve bu bâbda ızhâr etdiği temenniyâtı telhîs eylemişdir. _______________ İʻâne Cemʻine Mahsûs Taʻlîmâtnâme Hilâl-i Ahmer Cemʻiyeti nâmına müessesât-ı resmiye ve husûsiye ile esnâf cemʻiyetleri ve mahallât-ı eimme ve muhtârânıyla heyʼet-i ihtiyâriyesi ve zevât-ı muhtelife tarafından zîrde muharrer şerâit dâiresinde iʻâne derc olunabilir: 1-İʻâne iʻtâ edecek zevâta, vereceği paraya mukâbil verilmek üzere Hilâl-i Ahmer Cemʻiyetince turuncu renkde beş ve eflâtun renkde bir ve sarı renkde yarım liralık ve mor renkde yirmi ve tirşe renkde beş kuruşluk maktûʻ makbûz tabʻ etdirilmiş ve bu kıymetler mezkûr makbûzların metninde matbûʻ olarak muharrer bulunmuşdur. 2-Birinci mâddede renk ve kıymetleri muharrer olan makbûzlar, hüviyet ve mühür veya im- zâları zâbıtaca veya mahalleleri eimme ve muhtârân ve heyʼât-ı ihtiyâriyesi veya devâir-i resmiye- den birinin tasdîkiyle iʻâne dercine tavassut edecek maʻrûf ve muʻteber muʻtemedlere verilmekde- dir. Binâenaleyh iʻâne toplamak arzusunda bulunan zevâtın şerâit-i sâlife dâiresinde hüviyetleriyle berâber imzâ veya mühürlerini tasdîk eden bir vesîka ile Hilâl-i Ahmer Merkez-i Umûmî Muhâsebe- ciliği'ne mürâcaʻat etmeleri muktezîdir. 3-Hilâl-i Ahmer Cemʻiyeti'nden bu sûretle makbûz ahz etmiş olan mahallât heyʼet-i ihtiyâriye- siyle müessesât ve eşhâs-ı muhtelife ancak kendi mahalle ve mıntıkaları dâhilinde ve yalnız muʻte- medleri vâsıtasıyla iʻâne derc ve cemʻine meʼzûndur. 4-Hilâl-i Ahmer Cemʻiyeti nâmına her ne sûretle [51] olur ise olsun, teberruʻâtda bulunacak zevât-ı hamiyet-mendân parayı iʻtâ edeceği zâtdan behemehâl vereceği para mikdârına göre makbûz taleb etmelidir. 5-Muʻtemedler iʻâne iʻtâ eden zevâta vereceği makbûzun dip koçanıyla aslına müteberriʻin