HİLÂL-İ AHMER MECMÛʻALARI / CİLT 2

Osmanlı Hilâl-i Ahmer Mecmû‘ası Sayı 14 486 ismini yazmağa mecbûrdur. Ancak iʻâne iʻtâ edenlerin kesretine binâen makbûzların imlâsına zamân ve hâl müsâʻade olmaz ise verilecek makbûzlar bir daha istiʻmâl edilmemesini teʼmînen renkli kurşun kalemiyle battâl kelimesi yazılmak veya ortadan yırtılmak sûretiyle ibtâl edilecekdir. 6-Mahallâtda derc-i iʻâne maksadıyla müzâyede yapmak arzu olunduğu takdîrde evvel emirde o mıntıkanın merkez meʼmûrundan meʼzûniyet istihsâl olunacağı gibi mahall-i müzâyedeye zâbıtaca da bir meʼmûr taʻyîn olunacakdır. Müzâyedenin devâmı müddetince müteberriʻlere verecekleri para nisbetinde maktûʻ makbûz hemen verilecekdir. Ancak makbûz mevcûdu kalmadığı ve yakın bir ma- halden tedârüküne imkân görülemediği ve ahâlî tarafından müzâyedeye devâm arzusu ızhâr olunduğu takdîrde keyfiyetden kezâlik mahallî merkez meʼmûrluğu haberdâr edilecek ve üzeri delikli bir sandık tedârük olunarak işbu sandığın ağzı sicimle bend ve bâğ mahalli mühür mumu istiʻmâli sûretiyle mer- kez meʼmûrluğu tarafından mühürlenerek zâbıta meʼmûrları müzâyedenin devâmı müddetince işbu sandığın başında bulundurulacak ve baʻdehû sandık mahalle heyʼet-i ihtiyâriyesiyle zâbıta âmirleri muvâcehesinde küşâd edilerek ve muhteviyâtı bi't-taʻdâd zuhûr eden meblağın mikdârını ve bunun makbûz katʻ edilmeyen mebâliğ olduğunu mübeyyin nüshateyn zabıt varakası tanzîm olunacak ve bu zabıt varakalarının zîri esnâ-yı taʻdâdda hâzır bulunan zevât tarafından imzâ veya temhîr edilerek sandık derûnundaki para, ertesi günü behemehâl Hilâl-i [Ahmer] Merkez-i Umûmîsi Veznesi'ne ve zabıt varakası dahi cemʻiyet muhâsebeciliğine teslîm edilecekdir. 7-Tiyatro, sinema veya sâir umûmî mahaller ve dükkânlar sâhibleri tarafından hâsılâtları Hilâl-i Ahmer'e terk olunmak arzu edildiği takdîrde bu husûsda gazetelere iʻlân verilmeden, evvel emirde dükkân sâhibinin Hilâl-i Ahmer Merkez-i Umûmîsi Muhâsebeciliği'ne mürâcaʻat etmesi lâzım gelir. Mürâcaʻat-ı vâkıʻası rehîn-i kabûl olur ise, mezkûr makâmdan kendisine irâʼe-i tarîk olunur. Şâyân-ı kabûl edilmez ise bilâ-ruhsat iʻâne dercine teşebbüs edilmek sûretiyle bir emr-i vâkiʻ ihdâs olunursa zâbıtaca hâsılâta vazʻ-ı yed olunarak işin devâmı menʻ edilir. 8-Gerek müzâyede ve gerek tiyatro ve sinema ve dükkânlar teberruʻât hâsılâtının Hilâl-i Ahmer Merkez-i Umûmîsi'ne teslîm edilip edilmediği, her mıntıkanın merkez meʼmûrluğunca taʻkîb olunur. 9-Cemʻiyet menfaʻatine müsâmere ve eğlence tertîbi için merkez-i umumiden müsâʻade istih- sâli meşrûtdur. 10-Hilâl-i Ahmer'in Kadıköy Şuʻbesi İstanbul'unAnadolu sâhili menâtıkına merkez ittihâz edil- diğinden menâtık mahallâtının işbu taʻlîmâtnâmede münderic şerâite tevfîkan oraya mürâcaʻat eyle- meleri lâzım gelir. 11-Sâʻat, yüzük, küpe, halı vesâire gibi aynen eşyâ ihdâ eden zevât-ı hamiyet-mendân nâmı- na eşyânın Hilâl-i Ahmer Merkezi'ne veya anbârına teslîmini müteʻâkib cins ve mikdâr ve evsâf ve kıymetini gösterir kırmızı hilâl işâretini muhtevi açık yeşil renkde ayniyât makbûzu iʻtâ edilmekde olduğundan bi'l-vâsıta eşyâ hediye eden müteberriʻîn, teberruʻâtının Hilâl-i Ahmer'e teslîm edilmesi- ni teʼmînen eşyâyı verdiği zevâtdan behemehâl sâlifü'l-beyân makbûzu taleb edecekdir. Mezkûr mak- bûzu getirmekden imtinâʻ eden muʻtemedler hakkında en yakın zâbıta meʼmûruna ve aynı zamânda Hilâl-i Ahmer Muhâsebeciliği'ne maʻlûmât verilmesi ricâ olunur. 12-Hilâl-i Ahmer nâmına iʻâne cemʻine salâhiyetdâr olan her grubun veya her şahsın iʻâne cemʻ etdiği mahalde işbu taʻlîmâtnâmenin bir sûretini enzâr-ı umûmiyeye vazʻ etmesi îcâb eder. 13-İşbu taʻlîmâtnâmede mezkûr şerâite riʻâyet olunmadığı kimin tarafından meşhûd veya mes- mûʻ olur ise keyfiyetin derhâl Hilâl-i Ahmer menfaʻati nâmına en yakın polis merkezine veya Polis Müdüriyet-i Umûmiyesi Üçüncü Şuʻbe Müdüriyeti'ne veya Hilâl-i Ahmer Muhâsebe Müdüriyeti'ne ihbâr olunması ricâ olunur. _______________