HİLÂL-İ AHMER MECMÛʻALARI / CİLT 2

906 İkinci Sene 2 Muharrem sene 1342 / 15 Ağustos sene 1339 (1923) Numara 24 Makâlât ve İʻlânât, Neş- riyât ve Teşvîkât Komis- yonu Kitâbeti'ne Gönde- rilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edil- mez. Ayda Bir Defa Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 1783 Hilâl-i Ahmer'e gönderilecek mektûb, para, eşyâ ve bi'l-cümle teberruʻât, "Dersaadet'de Hilâl-i Ahmer Cemʻiyeti Riyâseti" nâmına irsâl edilmelidir. Mündericât: Hilâl-i Ahmer Havâdisi – Mezâlim Meşheri – Teberruʻât – Hilâl-i Ahmer Semt Teşkîlâtı – Fransızca Kısmı – İngilizce Kısmı _______________ HİLÂL-İ AHMER HAVÂDİSİ Hilâl-i Ahmer'in Beyânnâmesi Kurbân Bayramı'nda intişâr eden Hilâl-i Ahmer Gazetesi âtîdeki beyânnâmeyi neşretmişdir: "-Dünden iʻtibâren târîhe intikâl eden uzun harb senelerinde vezâif-i insâniye ve milliyesini îfâ etmiş olan Hilâl-i Ahmer Cemʻiyeti, memleketimizde refâh ve saʻâdet bahşedecek olan şerefli sulhü ahâlîye tebrîk eder. Sulhün sürûr ve heyecânını duyarken harâb yurdlarımızın musîbetzede yüz binlerce vatandâşı- mızın elîm vazʻiyetleri unutulmamalıdır. Hilâl-i Ahmer, tahrîbâtı iʻmâra, sefâleti imhâya sarf-ı mesâʻî eylemek gibi hâl-i sulhde ictimâʻî ve kudsî hidemâtına mübâşeret etmişdir. Bütün muvaffakiyâtını milletin semâhat ve ulüvv-i cenâbına medyûn olan cemʻiyetimiz, bu yeni sâha-i faʻâliyetinde teʼmîn-i muvaffakiyet edebilmesi için aʻzamî muʻâvenet ve muzâherete mazhar olmalıdır. İnönü ve Sakarya zaferlerinin tevlîd eylediği galeyân ve meserret Hilâl-i Ahmer'e yüz binlerce lira teberruʻ etmişdi. Bugün idrâk edilen muʻazzam zafer-i millînin daha parlak netâyicine intizâr et- mek tabîʻîdir. Izhâr-ı şâdmânî için ihtiyâr edilecek masârıfın bir kısmı Hilâl-i Ahmer'e verilirse birçok zavallıların yıkılan yurdu taʻmîr ve mahzûn kalbleri tesrîr edilmiş olur. Ricâ-yı mahsûs: Verilecek iʻânâtı kıymetleri muʻayyen ve üzerlerinde muharrer makbûzlar mukâbilinde kabûle âmâde cemʻ-i iʻânât heyʼetlerimiz her mıntıkada mevcûd olduğundan hiç kim- seye bilâ-makbûz iʻâne verilmemesi ricâ ve Hilâl-i Ahmer Merkez-i Umûmîsi Veznesi'nin Cuma'dan mâʻadâ her gün sâʻat dokuz buçukdan akşâm altıya kadar müteberriʻîn-i kirâma küşâde bulunduğu arz olunur. _______________