HİLÂL-İ AHMER MECMÛʻALARI / CİLT 2

Türkiye Hiâl-i Ahmer Mecmû‘ası Sayı 24 907 İctimâʻî Hıfzıssıhha Harbin hitâmından sonra muhârib ve gayr-ı muhârib her memleket millî Salîb-i Ahmer'i "ic- timâʻî hıfzıssıhha"ya fevkalâde bir kıymet ve ehemmiyet verdiği görülmekdedir. Gerek Salîb-i Ahmer mecmûʻaları nda ve gerek Salîb-i Ahmer Cemʻiyetleri Heyʼet-i İttihâdiyesi'nin vâsıta-i neşriyâtı olan Sıhhate Doğru nâm mevkûtede erbâb-ı ihtisâsın, aklâm-güzîdenin hıfzıssıhhaya, mesâil ve emrâz-ı [324] ictimâʻiyeye tahsîs etdikleri sahîfeler meyânında cidden kâriîn için pek kıymetdâr ve istifâ- de-bahş âsâr-ı kalemiyeye tesâdüf edilmekdedir. Hemşîrelerinin sâlifü'z-zikr neşriyâtından mülhem olan mecmûʻamız bu nüshadan iʻtibâren "İctimâʻî Hıfzıssıhha" nâm-ı umûmîsi altında bir silsile-i makâlât neşrine karâr vermişdir. -1- Asr-ı hâzırda hükûmet ve milletlerin siyâset-i hâzıralarında hıfzıssıhhanın mühim bir mevkiʻi olduğu gibi müstakbel siyâsetlerine de icrâ-yı teʼsîr etmekden hâlî kalmamakdadır. Fi'l-hakîka ic- timâʻî hıfzıssıhhası yüksek olan bir memleketde nüfûs siyâseti ve bi'n-netîce servet, iktisâd siyâseti de yükseliyor. İctimâʻî hıfzıssıhha mütekâbilen hükûmet ve milletin hıfzıssıhhasından mü[te]şekkildir. Hükû- met bir tarafdan bunun istilzâm etdiği teşkîlât ve iʻmârâtı tatbîk edegelirken efrâd-ı millet de şahısla- rına isâbet eden bi'l-cümle nukâtı ihmâl etmemiş olacaklardır. Milletin her ferdi nesl-i âtînin himâye ve vikâyesi nokta-i nazarından bu ciheti mühim bir vazîfe telâkkî etmeli ve hattâ borç bilmelidir. Eskiden beri ilm-i tabâbet mevcûd hastalıkları keşfetmeğe sâʻî olmuş ve beşeriyetin bütün ız- tırâbâtına çâre ve devâsâz olmağa gayret etmişdir. Bu cihetle son asrın nısf-ı ahîrinde keşfiyât kademe kademe ilerleyerek asr-ı hâzırda sâha-i tabâbet mesâʻî ve fedâkârlığı daha ziyâde hastalıklara tutul- mayarak çârelerini aramağa hasrediyor. Bu sûretle bir tarafdan beşeriyete savlet eden mühlik âfetler ortadan kalkdığı gibi diğer tarafdan en mühim ve bî-amân hastalıklara karşı da aşı, serumlar keşfedi- lerek önlerine geçilmek çâreleri meydâna çıkmakdadır. Memleketimizde ictimâʻî hıfzıssıhhanın tamâmen teessüsü için uzun seneler geçmesi ve olduk- ça mühim paralar sarfı lâzımdır. Bunun için millet evvelâ hayâtın kadr ü kıymetini bilecek ve onu muhâfaza etmek çârelerini arayıp tatbîk edecekdir. Bu cihetle ilim ve fennin tevsîʻ ve teşmîli ve tedrîsâtda bilhâssa hıfzıssıhhaya pek mühim bir mevkiʻ verilmesi lâzımedendir. Belediyeler, bu husûsda asrın emretdiği bi'l-cümle husûsâtı lâyıkıyla tatbîk vazîfesiyle mükellef tutularak îcâb eden tahsîsâtı esirgememelidir. El-yevm oldukça büyük şehir ve kasabalarımızda hıfzıssıhha mesâilinin kaçda kaçının taʻkîb ve tatbîk olunduğunu görüp duruyoruz ve garîbi şudur ki, bunları taharrî ve taʻkîb edenleri bile hoş görmüyor ve tenkîd ediyoruz. Bunca senelik pâyitaht olan şehrimizde bile el-ân lağım, su teşkîlâtı yapılamadığı gibi tanzîfât teşkîlâtının ne hâlde olduğu da maʻlûmdur.