HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 24 910 Hilâl-i Ahmer Sulh Günü Muʻâhede-i sulhiyenin Türkiye Büyük Millet Meclisi tarafından yevm-i tasdîkinin "Hilâl-i Ah- mer Şefkat Günü" addedilerek sûret-i mahsûsada tesʻîdine ve yevm-i mezkûr da Ramazân Bayra- mı'nın birinci günü olduğu [327] gibi rozet tevzîʻ etdirilmesine merkez-i umûmî aʻzâsından Doktor Besim Ömer Paşa'nın teklîfi üzerine 11 Ağustos [1]339 [1923] târîhinde münʻakid heyʼet-i merkezi- yede karâr verilmişdir. _______________ Harîkzedegân Mebânî-i Müctemiʻası Hilâl-i Ahmer'in hidemât ve faʻâliyet-i hayr-perverânesine zamîme olarak harîkzedegân için Lâleli'de inşâ edilmiş olan apartmanların Seyr-i Sefâin şirketleri biletlerinden alınmakda olan iʻâne ile birlikde Hilâl-i Ahmer'e terk ü tahsîsi ve buna mukâbil her sene îrâd ve hâsılâtının İstanbul'da harîk- zedelere ucuz fiyâtla mebânî-i mühimme ve sıhhiye vücûda getirilmesi hakkında Dâhiliye Vekâlet-i Celîlesi'nden vukûʻ bulan teklîf heyʼet-i merkeziyece arîz u amîk tedkîk edilerek vekâlet-i müşâru- nileyhânın Hilâl-i Ahmer'e gösterdiği eser-i teveccüh ve iʻtimâda teşekkürlerle berâber mezkûr me- bânî-i müctemiʻanın hukûk-ı tasarrufiye ve temellükiyesi taʻayyün etdikden sonra hâsılât-ı sâfiyesiy- le baʻdemâ zuhûr edecek yangınlardaki harîkzedelere muʻâvenet edilmesi karârgîr olmuş ve heyʼet-i idâre bu şerâit dâiresinde hükûmetle müzâkereye meʼmûr edilmişdir. _______________ Yunan Üserâsı Anadolu'da üserâyı ziyâret ve teftîş ile avdet eden Beynelmilel Salîb-i Ahmer aʻzâsından Mös- yö Burnier ve Doktor Charles Burckhardt teftîşlerinden fevkalâde iyi bir intibâʻ ile avdet etdiklerini ve üserâyı pek şâyân-ı memnûniyet bir hâlde gördüklerini ve fevkalâde insânî mukâbele edildiğini, Kayseri'de bir esîr Yunan yüzbaşısının da Türklere karşı medyûn bulundukları şükrân ve minnetdâr- lıklarını arz etdiğine şâhid olduklarını ve bu kadar tahrîbât-ı müdhişede bulunan bir ordunun esîrleri- ne Türkler tarafından yapılan bu muʻâmelenin pek âlî-cenâbâne olduğunu beyân etmişlerdir. _______________ Şahsiyet-i Hükmiye ve Hilâl-i Ahmer Avrupa Salîb-i Ahmer Cemʻiyetlerinin nizâmnâme-i esâsîlerinde cemʻiyetin emlâk ve arâzîye hakk-ı tasarrufu olduğu bir kânûn-ı mahsûs ile tasdîk kılındığı mezkûr olup Türkiye Hilâl-i Ahmer Cemʻiyeti dahi bi'l-mecbûriye emvâl, emlâk ve arâzîye şahsiyet-i maʻneviye olarak temellük ve ta- sarruf eylemek mecbûriyetinde olduğundan bu yolda bir müsâʻade-i kânûniyenin istihsâlinin heyʼet-i idâreye havâlesi takarrür etmişdir. _______________