HİLÂL-İ AHMER MECMÛʻALARI / CİLT 2

Türkiye Hiâl-i Ahmer Mecmû‘ası Sayı 24 911 Beynelmilel On Birinci Salîb-i Ahmer Konferansı Beynelmilel On Birinci Salîb-i Ahmer Konferansı'nın resm-i küşâdı Ağustos'un yirmi sekizinci Salı günü sâʻat beşde Cenevre Dârülfünûn Merâsim Salonu'nda icrâ edilecekdir. Resm-i küşâddan evvel sâʻat üçde konferans delegelerinden müteşekkil husûsî bir komisyon mezkûr dârülfünûnda ictimâʻ edecek ve komisyonlar da mümkün olduğu takdîrde dârülfünûnda top- lanacakdır. Konferansın rûznâme-i mesâʻîsi ber-vech-i âtî üç kısma ayrılmışdır: 1-Umûr-ı hayriyeye vakıf ve teberruʻ edilen beynelmilel reʼsülmâllar 2-Umûmî raporlar 3-Mesâil-i mühimmeye dâir erbâb-ı ihtisâs tarafından kaleme alınan raporlar Birinci kısımda İmparatoriçe Augusta, İmparatoriçe Maria Fyodorovna ve İmparatoriçe Shôken nâmına vakfedilen reʼsülmâllar ile [328] Mis Nightingale madalyası bulunmakdadır. Bir kısım Yunan üserâsının bulunduğu Talas'ın manzara-i umûmiyesi Vue générale de Talas, où sont internés une partie des prisonniers de guerre grècs Almanya İmparatoriçesi Augusta'nın Salîb-i Ahmer'e sebk eden hidemât-ı fevkalâdesinin hâtı- ra-i şükrânı olmak üzere beynelmilel bir sermâye ile teʼsîs edilmiş olan vakfa Augusta Vakfı ve mec- rûh ve hasta askerlerin tahfîf-i âlâmına hâdim olmak üzere mühim ihtirâʻda bulunacak olanlara veri- lecek mükâfâta tahsîs edilen mebâliğe Fyodorovna Vakfı nâmı verilmekdedir. Fyodorovna Vakfı'nın reʼsülmâlı bizzât imparatoriçe tarafından iʻtâ edilmiş olan yüz bin rubledir.