HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 24 914 Teşekkürnâme Himâye-i Etfâl Cemʻiyeti Heyʼet-i Merkeziyesi Riyâseti'nden vârid olan teşekkürnâme 11 Temmuz 1339 [1923] Hilâl-i Ahmer Cemʻiyeti Riyâset-i Aliyyesi'ne, Vatanımızın her dürlü yaralarını sarmağa şitâb eden Hilâl-i Ahmer Cemʻiyeti'nin bu kere de memeden kesilip muvâfık sûretde beslenilemeyen fakîr çocukların iğdâsına muʻâveneten iki bin lira teberruʻ edildiğinden maʻa'l-mesâr haberdâr olan Himâye-i Etfâl Cemʻiyeti Heyʼet-i Merkeziyesi memleketimizin bîçâre ve muhtâc yavrularının idâme-i hayâtına maʻtûf olan bu âlî-cenâbâne teber- ruʻdan pek mütehassis olarak pâyânsız teşekkürlerinin himâye-i etfâl makâsıdından biriyle bu sûretle alâkasını ızhâr etmiş olan cemʻiyet-i aliyyelerine arz u iblâğını kendisine müterettib en büyük bir vazîfe add ve telâkkî etmişdir. Teblîğ-i keyfiyete müsâraʻat ve bi'l-vesîle teʼyîd-i hürmet eylerim, efendim hazretleri. *** Hilâl-i Ahmer Cemʻiyeti Riyâset-i Aliyyesi'ne, 4 Temmuz 1339 [1923] Himâye-i Etfâl Cemʻiyeti'nin 22 Haziran 1339 [1923] târîhinde tevzîʻ olunan rozetleri için Hilâl-i Ahmer'den ihtiyâcımızı tatmîn edecek mikdârda iʻâne kutusu ve sepet iʻtâsına müsâʻade bu- yurulmak sûretiyle cemʻiyetimiz ve yetîm yavrularımız hakkında ibrâz buyurulan meâsir-i âtıfet ü şefkat müstelzim-i [331] şükr ü mahmidet görüldüğü arz ve ihtirâmât-ı mahsûsamızın kabûlü temennî olunur efendim hazretleri. Kayseri Talas'da bulunan Yunan üserâsının bir grubu Un groupe de prisonniers de guerre grècs à Césarée Talas