HİLÂL-İ AHMER MECMÛʻALARI / CİLT 2

Türkiye Hiâl-i Ahmer Mecmû‘ası Sayı 24 915 Hâmid Bey Berây-ı tedâvî Carlsbad'a azîmet etmiş olan Hilâl-i Ahmer Cemʻiyeti Reîs-i Sânîsi Hâmid Bey 8 Ağustos târîhinde Berlin tarîkıyla Dersaadet'e muvâsalat etmişdir. _______________ Muvâsalat Anadolu'da bulunan Yunan üserâsının ahvâlini teftîşe meʼmûr Beynelmilel Salîb-i Ahmer De- legesi Mösyö Burnier, Mösyö Burckhardt ile Hilâl-i Ahmer Üserâ Şuʻbesi Müdürü Safvet Şav Bey teftîşâtı bi'l-ikmâl İzmir tarîkıyla şehrimize avdet etmişler[dir]. _______________ Mösyö Burckhardt'ın Avdeti Beynelmilel Salîb-i Ahmer murahhaslarından Mösyö Burckhardt Anadolu'dan avdetini müteʻâ- kib berây-ı vedâʻ Hilâl-i Ahmer Merkez-i Umûmîsi'ni ziyâret etdikden sonra İsviçre'ye azîmet etmiş- dir. _______________ Hıristiyan Gürcü Muhâcirlerine Muʻâvenet İstanbul'a ilticâ etmiş ve hiçbir tarafdan himâye ve muʻâvenete mazhar olmamaları yüzünden son derece sefâlet ve zarûrete maʻrûz kalmış olan iki yüz kadar çocuk ve kadından mürekkeb Hıristi- yan Gürcü [332] muhâcirlerine muʻâvenet edilmesine merkez-i umûmîce karâr verilmişdir. _______________ Hilâl-i Ahmer Dispanserleri Geçen Temmuz zarfında Hilâl-i Ahmer'in Fatih Dispanseri'nde 1.082 ve Üsküdar Dispanseri'n- de 978 hasta muʻâyene edilmiş ve muʻâyene edilenlere meccânen ilâc dahi verilmişdir. Bundan başka Cağaloğlu Hastahânesi'ne mürâcaʻat eden 1.093 hastadan 565'ine meccânen ilâc iʻtâ edilmişdir. _______________ Kurbân Derileri ve Hilâl-i Ahmer Âtîdeki satırları Adana'da münteşir Hayât refîkimizin 24 Temmuz [1]339 [1923] târîhli nüsha- sından istinsâh ediyoruz: "Kurbân Derilerini Hilâl-i Ahmer'e Verelim! Âteş ve kan tufanları içinde yaralıların imdâdına koşan bu şefkat müessesesine yardım etmek her Türk'ün, her müslümânın borcudur. Harb meydânlarında kızgın demir yağmurlarının tarrâkaları