HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 24 916 beynimizde, kulaklarımızda uğuldarken kalbimize sükûn ve tesellî, yaramıza merhem ve şifâ veren bu müesseseyi unutmayalım. Hilâl-i Ahmer, bütün müesseselerin fevkinde bir kıymet ve kudsiyeti hâizdir. Onun içindir ki, buraya verilen Allah yolunda verilmiş sayılır. Hilâl-i Ahmer'e yardım efdal-i ibâdetdir". _______________ Hilâl-i Ahmer'i Unutma! Mersin'de münteşir Tarsus refîkimiz muʻâhede-i sulhiyenin imzâlandığı 24 Temmuz [1]339 [1923] târîhli nüshasında "Hilâl-i Ahmer" sernâmeli hitâbesidir: "-Ey Muhterem Kâri!... Bugün Hilâl-i Ahmer'in sana uzatacağı kutuyu boş çevirme! Şehîd olan, inleyen, yaralanan, evsiz kalan, öksüz olan dîn ve ırk kardeşlerine her gün bir anne gibi yetişen Hilâl-i Ahmer'i unutma, bu yumuşak anneye yardım et!... Verdiğin boşa gitmeyecek. Sen güler ve sevinirken bir yetîm, bir gâzî, bir dul da senin muʻâve- netinle gülecek, senin yardımınla sevinecek, mesrûr olacak, elemlerini dindirecek, daha da gülecek!... Ey müslümân kardeş! Kurbân derîlerini de kendi elin ile Hilâl-i Ahmer'e götür ve vazîfeni yap!" _______________ Giresun'da münteşir Yeni Yol refîkimizin 24 Temmuz târîhli nüsha-i fevkalâdesinden: "-Hilâl-i Ahmer Nüsha-i Fevkalâdemiz, En felâketli, en buhrânlı zamânlarımızda yaralı askerlerimize ve felâketzede halkımıza şefkatli kollarını açarak büyük ve kıymetli muʻâvenet ve hizmetlerde bulunan Hilâl-i Ahmer'imizi hâtırlamak ve elimizden geldiği derecede yardımına koşmak bugün hepimiz için bir vatan ve kardeşlik borcudur. Bu mühim vazîfeleri unutmayalım. Biz bugünkü bayram nüshamızı 5 kuruş yapdık. Satış hâsılâtımız kâmilen Hilâl-i Ahmer'e âid olacakdır". _______________ İzmir'de Hilâl-i Ahmer Gazetesi İzmir'de Cuma günleri umûmî taʻtîl günü olmasına ve yevm-i mezkûrda hiçbir ticârethâne ve müstahdemîn işleriyle iştigâl etmemekde bulunmasına mebnî Cumartesi günleri gazetelerin intişâr etmemekde olduğu İzmir Hilâl-i Ahmer Merkezince nazar-ı dikkate alınarak ahâlînin havâdissiz kal- mamasını teʼmînen her hafta Cumartesi günleri ile diğer gazetelerin intişâr etmediği eyyâm-ı resmiye ve îdiyede Hilâl-i Ahmer nâmıyla bir gazete neşri tasmîm edilmiş ve ruhsat-ı resmiyesi istihsâl edile- rek ilk nüshası intişâr etmişdir. _______________