HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 25 950 Halka şimdilik nesle, zürriyete, servet, iktisâd ve nüfûs siyasetine teʼsîr eden mühim bir hastalık olduğunu iknâʻa çalışmak ile berâber bâ-husûs ilk devresinde tedâvîsinin basît olduğunu telkîn etmek cümlenin vezâifindendir. _______________ Ciraolo Projesi İtalya Salîb-i Ahmer Cemʻiyeti Reîsi aʻyândan Sinyör Giovanni Ciraolo, 1921 senesinde Ce- nevre'de inʻikâd eden Beynelmilel Onuncu Salîb-i Ahmer Cemʻiyetleri Konferansı'na takdîm etdiği bir raporla mesâib ve âfât-ı umûmiyeye dûçâr olan memleketlerin tehvîn-i sefâlet ve tahfîf-i ıztırâbla- rına çâresâz olacak beyne'l-akvâm mütekâbil bir sigorta sandığı teşkîlini teklîf etmiş idi. Cemʻiyet-i Akvâm tarafından teʼsîs ve cemʻiyet-i müşârunileyhânın zîr-i himâyesi- ne tevdîʻ edilecek olan işbu müessese-i Hayri- ye mesâil-i siyâsiye, [8] mezhebiye ve ırkıyede tamâmen bî-taraf kalacak ve beynelmilel bir im- dâd ve muʻâvenet ordusu mâhiyetini muhâfaza edecekdir. Her devlet nüfûsunun adedi, arâzîsi- nin vüsʻati ve büdcesinin ehemmiyeti nisbetin- de senevî bir hisse-i muʻâveneti olacakdır. Millî Salîb-i Ahmer Cemʻiyetleri müessesenin idârî ve icrâî vâsıtaları addedilecekdir. İtalya Salîb-i Ahmer reîsinin projesi hak- kında vaktiyle vermiş olduğu îzâhât meyânında bilhâssa şu sözler şâyân-ı kayıddır: "-Âfât ve mesâib-i umûmiyeye karşı is- tihzârât-ı kâfiye ve ciddiyede bulunulmadıkça müşfik bir-iki kelimenin ve ale'l-acele yapılan gayr-ı kâfi muʻâvenetlerin hiçbir fâide ve teʼsî- ri olamıyor. İmdâd ve muʻâvenete vâsıta olan Hilâl ve Salîb-i Ahmerlerin ne zaʻîf büdceleri ve ne de cemʻiyât-ı hayriye-i mühimme ile milel-i muʻazzamanın ve büyük kalbli ashâb-ı yesârın Avrupa ve Amerika'da beşeriyet-i muztaribeye tahsîs etdikleri mebâliğ ihtiyâcâta tekâbül ede- miyor. Umûr-ı hayriye için sarf edilen himem ve mesâʻî şâyân-ı tebcîl olmakla berâber henüz rûh ve vicdânımızı tatmîn edecek bir dereceye gel- memişdir. Hükûmetlere, efkâr-ı umûmiyeye, gazete- lerle mecâlis-i teşrîʻiyeye karşı bu fikrin müdâ- faʻası Hilâl ve Salîb-i Ahmerlerin en ulvî vezâi- findendir". Mesâibzede milletlerin imdâdına gelmek için dev- letlerin tesânüdü ittihâdı lüzûmuna dâir bir proje kaleme alan İtalyan Salîb-i Ahmer Reîsi, İtalya Meclis-i Aʻyânı aʻzâsından Sinyör Giovanni Cira- olo cenâbları Signor Giovanni Ciraolo Sénateur et Président de la Croissant-Rouge Italienne, auteur du pra- fet dʼAssistance internationale, projet dont nous avons commencé la traduction à partir du présent numéro