HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 25 952 -4- Kasırgalar ve Tayfunlar Kasırgaların mûcib olduğu hasârât da pek dehşetlidir. Rusya ile Çin'de ara sıra zuhûr eden toz kasırgaları hakîkî âfât-ı arziyedendir. Kezâ İsviçre'nin dağlık aksâmında husûle gelen çığlar ve İsveç ve Rusya'daki kar fırtınaları pek mühlikdir. -5- Tuğyân-ı Miyâh Her sene ara sıra vukûʻa gelen tuğyân-ı miyâh [10] mühim hasâratı mûcib olmamakla berâber bazen de pek felâketlidir. Meselâ, Çin'de vukûʻ bulan seyelân milyonlarca insânları hicrete mecbûr etdiği ve Mississippi ve Ohio nehirlerinin feyezânı İsviçre'nin on misli kadar cesîm arâzîyi su altın- da bırakdığı görülmüş ve Amerika'da Louisiana nehrinin feyezânı bir milyondan fazla hektarlık bir arâzîyi istîlâ etmiş ve beş yüz elli milyon franklık zararı mûcib olmuşdur. Toulouse'da 1875 senesindeki feyezân yedi bin hâneyi yıkmışdır. -6- Harîk-ı Hâiller 1906 San Francisco yangını tekmîl şehri ve 1891 Japon harîk-ı kebiri yüzlerce mahalleleri mah- vetmiş ve geçen asrın evâsıtında Çin'de zuhûr eden bir yangın elli bin nüfûsun ziyâʻına ve 1911'de Dersaadet'de vukûʻ bulan harîk-ı kebîr ise on bin hânenin mübeddel-i remâd olmasına ve iki yüz bin nüfûsun sokak ortalarında kalmasına sebeb olmuşdur. Bu harîklere orman ve tarla ve çayır yangınlarını da ilâve etmek îcâb eder. -7- Kuraklık Yağmurların fikdânıyla husûle gelen kuraklık dahi çok defa insânlar için mühim felâketlerden- dir. Vâsiʻ arâzîyi şâmil olan kuraklık fikdân-ı gıdâdan ve bunun netîcesi olarak zuhûr eden emrâz-ı sâriye ve tâʻûniyeden binlerce insânı mevte mahkûm etmekdedir. Hindistan, İran, Rusya ve Amerika-yı Cenûbî'nin bazı aksâmında vakit vakit devâm eden ku- raklıkların mûcib olduğu zararlar bilhâssa şâyân-ı kayıddır. -8- Çekirge İstîlâsı Çekirge istîlâsı Cezayir, Tunus, Fas ve Cenûbî Rusya ve bilhâssa Çin, Hind ve Arjantin'de pek sık tesâdüf edilen âfâtdandır. 1822 senesinden 1892 târîhine kadar güzerân olan yetmiş sene zarfında yalnız yedi sene çekirge istîlâsı görülmemişdir. Mezrûʻâta musallat olan bu belâ bir tehdîd-i dâimî-i kahtdır. 1870 senelerinde Amerika'da çekirgelerin tahrîb etdikleri hubûbâtın kıymeti bir milyar frank takdîr ediliyor.