HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 25 954 Kayseri Garnizonu'nda sırf esîr zâbitân vardır. Yalnız kırk kadar nefer mevcûddur ki, bunlar da zâbitânın emirberleridir. Esîr zâbitân Talas denilen sayfiyede ikâmet etmekdedirler. Rütbelerine göre hânelere tefrîk edilmişlerdir. Generallere ayrı bir ev tahsîs edilmişdir. Üserânın bulundukları hâneler birer birer gezildi. Her koğuşda zâbitânla konuşularak bir şikâyetleri olup olmadığı soruldu. Hep memnûn olduklarını ifâde etdiler. General Tricoupis gördükleri hüsn-i muʻâmeleden dolayı bütün üserâ nâmına beyân-ı memnuniyet etdi ve ayrıca Hilâl-i Ahmer'e teşekkür etdi. Esîr zâbitâna rütbelerine göre açıkdaki Türk zâbitlerinin aldıkları maʻâş nisbetinde maʻâş ve- rilmekdedir. En küçük rütbeli zâbit takrîben yirmi lira kadar bir maʻâş almakdadır ki, bununla mü- kemmelen taʻayyüş etdikden sonra elbise, çamaşır vesâire bile tedârük edebilmekdedir. Üserânın kıyâfetleri mükemmel, koğuşları pek muntazam ve temizdir. Her dürlü esbâb-ı istirâhatleri teʼmîn edilmişdir. Murahhaslar burada gördükleri intizâm ve üserâya gösterilen ihtimâm ve şefkatden dolayı gar- nizon heyʼetine teşekkür etmişlerdir. Heyʼet yoluna devâm ile Kayseri'den Ulukışla'ya otomobillerle ve oradan emrine tahsîs olunan vagon servisle Adana'ya azîmet etdi. Adana'da üserâ → [12] Yunanistan'a gitmek üzere Bahr-ı Siyah sevâhilinden İstanbul'a gelmiş olan hasta Rum muhâcirlerine mahsûs Hilâl-i Ahmer tarafından Haydarpaşa'da küşâd ve idâre edilen hastahânenin koğuşlarından birini gösterir resim Vue dʼune des salles de lʼHôpital dit "Hôpital pour les réfugiés Grècs" que le Croissant-Rouge a fondé à Haïdar Pacha, en vue dʼabriter et de soigner les réfugiés grècs de la Mer Noire qui ont été de passage à Constantinople pour aller en Grèce