HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 25 957 Lira Kuruş Bilet esmânından 1.879 - Büfe hâsılâtından 718 35 Piyangodan 1.402 50 Tütünden 21 10 Kapıda satılan çiçekden 275 - Defter mûcebince cemʻ edilen 5.520 - Maktûʻ biletlerden 325 - 10.140 95 İşbu 10.140 lira 95 kuruşun 1.477 lirası masrafdır. _______________ Doktor Hakkı Şinasi Paşa, Celâl Muhtar Bey Hilâl-i Ahmer'e âid bazı mesâili hal ve müzâkere etmek üzere merkez-i umûmî aʻzâsından Dok- tor Hakkı Şinasi Paşa ile Doktor Celâl Muhtar Bey Ankara'ya hareket etmişdir. _______________ Nâhiyelerde Hilâl-i Ahmer Teşkîlâtı Hilâl-i Ahmer şuʻbe teşkîlâtının vüsʻat ve servet-i mahalliye nokta-i nazarından hâiz-i ehem- miyet bulunan bazı nevâhîye teşmîli mûcib-i fâide olacağı tedkîkât-ı hesâbiyeden anlaşıldığından merâkiz tarafından bu bâbda vukûʻ bulacak mürâcaʻatların isʻâfına ve keyfiyetin ayrıca nizâmnâme-i esâsîyi taʻdîle meʼmûr komisyona teblîğine merkez-i umûmîce karâr verilmişdir. _______________ Üserâ-yı Harbiyeyi Teftîş Anadolu'daki Yunan üserâ karârgâhlarını teftîşe Beynelmilel Salîb-i Ahmer Komitesi tarafın- dan meʼmûr edilen heyʼetin raporunu Fransızca aslıyla berâber gelecek nüshamızda derc edeceğiz. _______________ Esîr Generaller Yunan esîr generalleriyle zâbitânı son kâfile olarak Spiraea ve Daphine vapurlarına 21 Ağustos [1]339 [1923] târîhinde irkâb edilmiş ve bu sûretleYunan üserâ-yı harbiyesinin iʻâdesi hitâm bulmuşdur. _______________