HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 25 958 Kurbân Derileri Çine kazâsıyla kurâ-yı mülhakasından celb ve cemʻ edilen kurbân derileri mahallî Hilâl-i Ah- mer heyʼetince bi'l-müzâyede bedeli olan 34.495 kuruş merkez-i umûmîmize irsâl kılınmışdır. _______________ Antalya ve Karesi Hilâl-i Ahmer Merkezleri Antalya ve Karesi Hilâl-i Ahmer Merkezleri, [15] hâsılâtlarından biner lirayı merkez-i umûmî- mize irsâl etmişlerdir. _______________ Muhtâc-ı Muʻâvenet Şühedâ Âileleri Kesîrü'n-nüfûs ve bî-vâye bazı şühedâ âilelerine tevzîʻ edilmek üzere Bursa merkezine beş yüz lira kadar bir meblağın sarfına müsâʻade edilmişdir. _______________ Japonya Hareket-i Arzı Yüz binlerce nüfûsun ve bir pâyitaht ile birkaç şehrin mahv u nâbûd olmasına sebeb olan 1 Eylül [1]339 [1923] târîhinde Japonya'da vukûʻ bulan hareket-i arz münâsebetiyle Hilâl-i Ahmer Cemʻiyeti, Japon Salîb-i Ahmeri'ne telgrafla beyân-ı teessür etmişdir. _______________ Uyucik Nâhiyesi Kastamonu dâhilinde Uyucik karyesinin nısfı zuhûr eden harîkden mahsûlâtıyla berâber yan- dığı ve husûle gelen zarar u ziyânın yirmi bin lira kadar tahmîn edildiği Kastamonu Hilâl-i Ahmer Merkezi'nden bildirilmesi üzerine bu bâbda tahkîkât icrâsıyla inde'l-îcâb beş yüz lira dâhilinde muʻâ- venetde bulunulması takarrür etmişdir. _______________ Samsun Hilâl-i Ahmer Merkezi Samsun Hilâl-i Ahmer Merkezi Reîsi Nihad Bey'in Eskişehir Mutasarrıflığı'na taʻyînine ve Reîs-i Sânî Sıdkı Bey'in istiʻfâsına mebnî mûmâileyhimâdan inhilâl eden riyâsetlere icrâ edilen in- tihâb netîcesinde Belediye Reîsi Şefik Avni ve aʻzâdan Osman İsmet ve Osman Bey'den münhal kalan aʻzâlığa da Ahâlî Gazetesi Müdürü Cenani Efendiler intihâb edilmiş ve intihâb-ı vâkiʻ merkez-i umûmîce tasdîke iktirân etmişdir. _______________