HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 25 961 Vefât Kadıköy Hilâl-i Ahmer Şuʻbesi aʻzâsından Fahrî Veznedâr Zühdü Paşazâde Zahid Bey'in yen- geleri ve Meclis-i Mâliye aʻzâlığından mütekâʻid Cemil Paşa haremi Cemile Hanım irtihâl-i dâr-ı bekâ eylemiş ve âilesi makberesine defnedilmişdir. Hilâl-i Ahmer'e pek büyük hizmetleri sebk eden âile-i müşârunileyhâya arz-ı meâsir-i taʻziyet- kârî eyleriz. _______________ Girid Ahâlî-i İslâmiyesi Girid cezîresi ahâlî-i İslâmiyesi'nin sinîn-i vefîreden beri maʻrûz kaldığı vekâyiʻ-i müellime-i mütevâliyeden ve husûsuyla hâdisât-ı ahîreyi müteʻâkib hayât-ı ictimâʻiyelerine bir darbe-i müessire indirilerek hakk-ı rehâ ve hayâtının üfûl etdiği zamândan beri bu bedbaht ekalliyetin her gün daha elîm bir girîve-i sefâlete düşmeleri şâyân-ı merhamet bir levha-i müessife teşkîl ediyor. Bu ahvâl-i muztaribeyi nazar-ı dikkate alan Hilâl-i Ahmer Cemʻiyeti Hanya Cemâʻat-i İslâmi- yesi Dâiresi tarafından evvelce teʼsîs edilip bilâhare siʻa-i mâliyesinin adem-i müsâʻadesinden dolayı seddedilmiş olan dispanserin tekrâr küşâdına ve kurâ-yı mücâvireden Hanya'ya iltica edip işsiz, güç- süz kalmış ahâlî-i İslâmiye-i mağdûrenin mübrem ihtiyâcâtını tehvîne medâr olmak üzere cemâʻat-i mezkûreye bin lira iʻtâsına karâr vermişdir. _______________ İstanbul Cemʻ-i İʻânât Heyʼetleri Şimdiye kadar İstanbul'un menâtık-ı muhtelifesinde 29 ve Kadıköy ve Üsküdar mıntıkalarında 20 cemʻ-i iʻânât heyʼeti teşekkül etmişdir. [17] İşbu kırk dokuz heyʼetden Beyoğlu Tepebaşı Heyʼeti sû-i idâresine binâen seddedilmişdir. Eminönü Heyʼeti bidâyetde bir devre-i tevakkufa dâhil olmuş ve fakat bilâhare şehrin maʻrûf tüccârından mürekkeb otuz beş kişilik bir heyʼet intihâb edilerek faʻâliyete geçmişdir. Bu heyʼet vaʻd etdiği büyük muvaffakiyetlerinin arefesindedir. Fener, Unkapanı ve Beykoz'da henüz birer iʻâne heyʼeti teşkîl edilememişdir. Maʻamâfîh, teş- kîli için sarf-ı gayret edilmekdedir. Şimdiye kadar 59.000 taʻahhüdât teʼmîn edilmiş ve İstanbul'dan 10.980 lira merkez-i umûmî veznesince meʼhûzât kaydedilmiş ve Kadıköy şubesince de yirmi heyʼetden senevî on bin lira taʻah- hüdât tahmîn edilmekdedir. Her sene beş-altı bin lirayı tecâvüz edemeyen çiçek günü hâsılâtı bu sene on iki bin liraya bâliğ olmuşdur ki, bu fazla-i vâridâtı cemʻ-i iʻânât heyʼetleri teşkîlâtının faʻâliyet ve mesâʻîsine medyûnuz. _______________ Hilâl-i Ahmer Dispanserleri Geçen Ağustos zarfında Hilâl-i Ahmer'in Fatih Dispanseri'nde 886 ve Üsküdar Dispanseri'nde