HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 25 962 1.267 hasta muʻâyene edilmiş ve muʻâyene edilenlere meccânen ilâc dahi verilmişdir. Bundan başka Cağaloğlu Hastahânesi'ne mürâcaʻat eden 1.396 hastadan 714'üne meccânen ilâc iʻtâ edilmişdir. _______________ Hilâl-i Ahmer'e Hâricden Gelen Muʻâvenetler Bulgaristan'ın Varna sancağı ahâlî-i İslâmiyesi'nden İmâm Süleyman bin Mehmed Ali Efendi vedâʻatıyla 8.835 kuruş, Bulgaristan'ın Eskicuma kazâsı ahâlî-i İslâmiyesi'nden 62.000 leva, Mad- ras'da kâin Ahbâru's-Sahîfe mecellesi nâşiri Muhammed Ali Ekber hazretlerinden, Roma Mümessil-i sâbıkı Celâleddin Arif Beyefendi vâsıtasıyla 700 İngiliz lirası, Bulgaristan'da Varna kazâsı ahâlî-i İslâmiyesi'nden 18.315 kuruş gelmişdir. Hilâl-i Ahmer bu müteberriʻîn ve mütevassıtîn-i kirâma takdîm-i teşekkürât eder. _______________ BEYNELMİLEL KOMİTE Cenevreli otuz aʻzâ tarafından idâre edilmekde olan Beynelmilel Salîb-i Ahmer Komitesi, aded-i aʻzâsını tezyîde ve komiteye idhâl edeceği aʻzânın Cenevreli olmayan diğer İsviçrelilerden intihâbına karâr vermişdir. _______________ Cenevre Beynelmilel Salîb-i Ahmer Komitesi'yle merkez-i idâresi Paris'de bulunan Salîb-i Ah- mer Cemʻiyetleri Heyʼet-i İttihâdiyesi arasında vazîfe ve salâhiyet mesâilinden mütevellid ihtilâf hâd bir devreye dâhil olmuş ve tarafeyn arasında hayli zamândan beri devâm etmekde olan müzâkerât inkıtâʻa uğramışdır. _______________ Mösyö Burnier Beynelmilel Salîb-i Ahmer Komitesi'nin Dersaadet murahhas-ı dâimîsi Mösyö Burnier meʼzû- nen Lozan'a azîmet etmişdir. _______________ Doktor Page Beynelmilel Salîb-i Ahmer Komitesi aʻzâsından Doktor Page Hilâl-i Ahmer'i alâkadâr eden bazı mesâilin halli için Cenevre'den Dersaadet'e muvâsalat etmişdir. _______________