HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 25 963 [18] SALÎB-İ AHMERLER HAVÂDİSİ İtalya İtalya Salîb-i Ahmeri yalnız kendi vesâiti ile vücûda getirdiği teşkîlât-ı muʻazzama sâyesinde Etna yanardağı felâketzedelerinin ihtiyâcâtını teʼmîne muvaffak olduğundan memâlik-i ecnebiyeden teklîf edilen imdâd ve muʻâveneti reddetmişdir. _______________ İspanya Madrid'de bir tabîb muʻâyenehânesinin cebhesini tezyîn eden Salîb-i Ahmer alâmeti İspanya Salîb-i Ahmeri'nin teşebbüsü üzerine hükûmet tarafından refʻ edilmişdir. _______________ İsveç Velîʻahdın zîr-i riyâsetinde inʻikâd eden İsveç Salîb-i Ahmer Kongresi'ne iştirâk eden delegele- rin adedi altı bine bâliğ olmuşdur. _______________ Gürcistan Gürcistan Salîb-i Ahmeri'nin Beynelmilel Komite'ye gönderdiği tahrîrâtda ahâlînin yüzde yet- miş beşi malaryaya musâb olduğu işʻâr edilmekdedir. _______________ Arnavud Salîb-i Ahmer Cemʻiyeti 1921 senesi Teşrîn-i Evvel'inde teşekkül ederek 26 Nisan 1922 târîhinde Arnavud Hükûmeti tarafından resmen tasdîk edilmiş olan Millî Arnavud Salîb-i Ahmer Cemʻiyeti ahîren Cenevre Komi- tesince de tanınmışdır. Merkezi Tiran'da bulunan cemʻiyet-i mezkûrenin müdüriyet-i umûmiyesine Doktor Sadeddin Bey nâmında biri intihâb edilmişdir. Salîb-i Ahmer âilesinin bu nevzâdına tûl-i ömür ve muvaffakiyet temennî ederiz. _______________ Yunan Salîb-i Ahmeri'nin Neşriyâtı Cenevre Beynelmilel Salîb-i Ahmer Komitesince hiçbir sıfat-ı resmiyeyi hâiz olmayan Atina'da mukîm muhtelif tâbiʻiyete mensûb bazı zevât-ı ecnebiyeden Yunan Salîb-i Ahmeri güya beynelmilel mâhiyetde bir tahkîk komisyonu teşkîl ederek Anadolu'dan avdet eden üserâya dâir mugâyir-i hakîkat bir rapor neşretmişdir. Yunan üserâsının hâl ve vazʻiyetlerini bulundukları mahallerde reʼyü'l-ayn müşâhede ve te- dkîk etmek üzere Anadolu'ya bir heyʼet iʻzâmı için Yunan Salîb-i Ahmeri'nin evvelce Beynelmilel