HİLÂL-İ AHMER MECMÛʻALARI / CİLT 2

518 İkinci Sene 25 Rebîʻulevvel sene 1341 / 15 Teşrîn-i Sânî sene 1338 (1922) Numara 15 Makâlât ve İʻlânât, Neşriyât ve Teşvîkât Komisyonu Kitâbeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Ayda Bir Defa Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 1783 Hilâl-i Ahmer'e gönderilecek mektûb, para, eşyâ ve bi'l-cümle teberruʻât, "Dersaadet'de Hilâl-i Ahmer Cemʻiyeti Riyâseti" nâmına irsâl edilmelidir. Mündericât: Hilâl-i Ahmer Havâdisi – Rus Esâreti Hâtıraları – Teberruʻât – Fransızca Kısmı – İngilizce Kısmı _______________ Unvân Tebdîli Merkezi Ankara'da bulunan Türkiye Büyük Millet Meclisi'nin karârıyla "Osmanlı İmparator- luğu" unvânına nihâyet verilmesi ve memleketimizde saltanat-ı milliyenin teessüs etmesi üzerine 2 Teşrîn-i Sânî sene 1338 (1922) târîhine musâdif Perşembe gününden iʻtibâren cemʻiyetimiz, Türkiye Devleti unvânına izâfeten Türkiye Hilâl-i Ahmer Cemʻiyeti ve mecmûʻamız da Türkiye Hilâl-i Ahmer Mecmûʻası tesmiye edilmişlerdir. HİLÂL-İ AHMER HAVÂDİSİ Halk Tezâhürâtında Hilâl-i Ahmer On ikinci numaralı nüshamızda "Halk Nazarında Hilâl-i Ahmer" serlevhalı bir makâle yazarak halkın Hilâl-i Ahmer'e karşı gösterdiği teveccüh ve muhabbeti tahlîl etmeğe çalışdık. Bu tahlîlde ya- nılmadığımızı, millî ordunun muzafferiyeti üzerine her tarafda yapılan emsâlsiz tezâhürât-ı meserret- kârâne isbât etdi. Güzel İzmir'in istirdâdı, muhâcirlerimizin yerlerine avdeti, Mudanya Mukâvelenâ- mesi'nin imzâlanması, Refet Paşa'nın İstanbul'a muvâsalatı, saltanat-ı milliyenin teessüsü gibi mesʻûd ve mübeccel hâdisât, halkımızın Hilâl-i Ahmer müessesesini ne kadar sevdiğini ve Hilâl-i Ahmer'in gösterdiği şefkat âsârını ne kadar takdîr etdiğini gösterdi. İstanbul'da tezâhürât olmadı ki, onda Hilâl-i Ahmer düşünülmesin. Hilâl-i Ahmer binâsının önüne gelen tezâhürâtçılar, bu müessesede bir başka- lık görerek bol bol temâşâ ve ızhâr-ı minnetdârî etdikden sonra kemâl-i memnûniyetle avdet ederler.