HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 15 519 Bu tezâhürâtın en rûhlusunu muhâcirlerin [68] memleketlerine iʻâdesi teşkîl etdi. Hilâl-i Ahmer Merkezi'ne, otuz altı otomobil içinde vedâʻa gelen ve birçok ihtiyâr, kadın ve çocukdan ibâret bu muhâcirlerin sevinçlerini, bu râkımü'l-hurûfdan ziyâde hisseden yokdur, zannederim. Zîrâ bu râkı- mü'l-hurûf, İslâmiyet'i imhâ etmek için yapılmış maʻhûd programın ilk tatbîkâtını Türkler üzerinde yapmağa teşebbüs eden Yunanlıların süngü ve kamçı darbeleriyle yurdlarından koğdukları bu bîçâ- releri, keder ve elem içinde Yalova İskelesi'nde, içim sızlayarak aynen gördüm ve Gülnihâl vapuruna irkâb edildikleri vakit etrâfı çınlatdıkları "Yaşasın Hilâl-i Ahmer!" nidâlarını işitdim. On beş ay sonra aynı muhâcirler, Hilâl-i Ahmer binâsının önünde îfâ-yı vedâʻ sırasında "Yaşasın Hilâl-i Ahmer!" ni- dâsını göklere îsâl etdikleri vakit, artık yüzlerinde keder âsârı değil, minnetdârlık ile karışık büyük bir sevinç âsârı var idi. Saltanat-ı milliyenin teessüsü münâsebetiyle 5 Teşrîn-i Sânî'ye musâdif Pazar günü İstanbul'da yapılan tezâhürâtdan da Hilâl-i Ahmer vâsiʻ bir mikyâsda hisse-mend oldu. Tezâhürâtçılar, saltanat-ı milliyenin mefhûmunu iyi anlayıp hazmetdiklerinden Hilâl-i Ahmer binâsının önüne gelince "Yaşa- sın Türk Hilâl-i Ahmeri" diye bağırarak müesseseyi ve reîs-i sânîsi Türkiye Büyük Millet Meclisi Hükûmeti mümessili Hâmid Beyefendi'yi alkışlara gark eylediler. Evet, hiç şübhe yok halk Hilâl-i Ahmer'ini seviyor; çünkü Hilâl-i Ahmer millî bir müessesedir. Halk, Hilâl-i Ahmer'i takdîr ediyor; zîrâ Hilâl-i Ahmer İslâmiyet'in en büyük müessese-i hayriyesidir. Halk, Hilâl-i Ahmer'e iʻtimâd ediyor; zîrâ Hilâl-i Ahmer'in işleri serbest ve açıkdır. Hilâl-i Ahmer, Mütâreke esnâsındaki faʻâliyetine âid raporlarını neşretdiği vakit, halk bu mü- esseseyi daha çok sevecek ve bu millî hayrâthânenin birçok büyüklüklerini görerek iftihâr edecekdir. Hilâl-i Ahmer, bu kuvvetini lütfundan aldığı halka, gösterdiği kıymetdâr tezâhürât ve teveccü- hâtdan dolayı an-samîmi'l-kalb teşekkür ederek devâm-ı teʼyîd ve muʻâvenetini diler. _______________ Refet Paşa ve Hilâl-i Ahmer Muzaffer millî ordu kumandanlarımızdan Refet Paşa, Türkiye Büyük Millet Meclisi Hükûmeti ve Başkumandanlık nâmına Trakya'yı tesellüm etmek üzere 16 Teşrîn-i Evvel 1338 [Ekim 1922] târîhine musâdif Perşembe günü İstanbul'a vâsıl oldular. Paşa, muvâsalatından bir sâʻat sonra Hilâl-i Ahmer Merkezi'ne gelerek Türkiye Büyük Millet Meclisi'nin teşekkürâtını Hilâl-i Ahmer Cemʻiye- ti'ne iblâğ eylediler. Beyoğlu Câdde-i Kebîri'nde büyük ve mükemmel bir muhallebici dükkânını idâre eden meşhûr Muhallebici Tahir Usta, 27 Teşrîn-i Evvel'e musâdif Cuma gününün satışını Hilâl-i Ahmer'e hasr ve dükkânını sancaklar ile tezyîn ederek Refet Paşa'yı daʻvet etmişdir. Daʻvete icâbet eden Refet Paşa'ya, müsâmerenin Hilâl-i Ahmer uğrunda ve kendi şerefine tertîb ve ihzâr edildiği îzâh olundukdan sonra →