HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 15 520 [70] Paşa: "-Hilâl-i Ahmer'e muʻâvenet maksadıyla tertîb edilen bu mükemmel müsâmerede bulunmak şerefiyle mesʻûdum. O Hilâl-i Ahmer ki, nerede yangın, kıtâl, harb ve felâket olmuş ise dâimâ oralara koşmuş, fedâkâr gâzî- lerimizin yaralarını sarmış ve ihtiyâclarına şitâb olmuş müstesnâ ve insâniyet-perver bir müessesedir. Biz bu sevgili bayrak altında bir tek kalbiz ve hepimizin kalbleri dâimâ aynı sûretde çarpar. Huzzâra ve bilhâssa müesse- senin gayretli sâhibi hamiyetli dîndâşım Tahir Usta'ya bî- pâyân teşekkürler ederim. Kendi gayretiyle vücûda getir- diği bu müessesenin nâil-i terakkî ve tekemmül olmasını bilhâssa temennî ederim" demişlerdir. Refet Paşa, geçen 30 Teşrîn-i Evvel târîhine musâ- dif Pazartesi günü sâʻat üçde refâkatlerinde Hilâl-i Ahmer Fahrî Reîsi Müderris Doktor Besim Ömer Paşa ile Tabîb Fahreddin Bey oldukları hâlde Hilâl-i Ahmer Hanımlar Dârüssınâʻası'nı ziyâret etmişlerdir. Paşa, kapıdan içeri girdikleri sırada taşlıkda Dârüs- sınaʻa'da çalışan on yetîm çocuk kendilerini bekliyorlar idi. Refet Paşa bu yavrucukları öpmüş ve Hilâl-i Ahmer Hanımlar Merkezi Heyʼet-i İdâresi kendilerine takdîm edilmişdir. Paşa, reîse hanımın odasında istirâhat etmiş ve ber-vech-i âtî taltîfkârâne beyânâtda bulunmuşdur: "-Hilâl-i Ahmer'i biz Türkler kadar iyi tanıyan ve hisseden bir millet yokdur. Çünkü senelerden beri çok elem çeken Hilâl-i Ahmer, her elemimize çiçek serperek bize tesellî-bahş oldu". Müderris Doktor Besim Ömer Paşa cevâben "Hilâl-i Ahmer'in harb zamânlarında olduğu gibi sulh devresinde de faʻâliyetde bulunması îcâb edeceğini, fakat milletin maʻalesef sulh zamânında Hilâl-i Ahmer'in hikmet-i vücûdunu anlayamadığını söyleyerek Hilâl-i Ahmer'in her zamân pâyidâr olabilmesi için yegâne tarîk bi'l-umûm zâbitânın cemʻiyete aʻzâ kaydedilmesi olduğunu ve verem ile mücâdele edecek olan Hilâl-i Ahmer'in bu mühim hizmeti ancak sulh zamânındaki muʻâvenet sâye- sinde kâbil olabileceğini" dermeyân eylediler. Refet Paşa, cevâben senevî bir liradan ibâret olan ekall-i kalîl âidâtı vermek sûretiyle zâbitânı iştirâke teşvîk edeceğini ve bütün zâbitânın bu emr-i hayra iştirâkini ümîd etdiğini beyân eylediler. Hilâl-i Ahmer Dârüssınâʻası'nı ziyâret eyledikleri vakit paşaya, bir küçük yetîm kız tarafından Dârüssınaʻa'da vücûda getirilen bir yasdık hediye edilmişdir. Paşa, Dârüssınâʻa'dan çıkdıkdan sonra müessesenin hâtırât defterine şu cümleleri kaydetmişlerdir: "-Kudsî hemşîrenin şefkatli elini çok sıcak ve hürmetkâr bûselerle öpen Refet" [69] Türkiye Büyük Millet Meclisi Hükûmeti ve Başkumandanlık Fevkalâde Mümessili Refet Paşa hazretleri S. E. le Général Rafet Pacha, Représen- tant extraordinaire du Gouvernement de la Grande Assembléé Nationale de Turquie et du Commandement en chef de lʼArmée