HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 15 523 Hilâl-i Ahmer'in müfettiş-i umûmî beyine bu bâbda terettüb eden vazîfe pek mühimdir. Müfet- tiş-i umûmî bey, Yunanlılar tarafından yapılan tahrîbâtı reʼyü'l-ayn müşâhede ederek iʻmârları hak- kında serd-i efkâr ve mülâhazât edecekdir. Hilâl-i Ahmer'imize hidemât-ı azîmesi sebk eden Celâleddin Muhtar Beyefendi'nin bu mühim seyâhatinde de muvaffak olacağı şübhesizdir. _______________ Hilâl-i Ahmer Trakya Seyyâr Etıbbâ Heyʼeti Memâlik-i müstahlasamızdan bulunan Trakya'mızdaki ahâlîmize imdâd ve muʻâvenet-i sıh- hiyede bulunmak üzere beş seyyâr tabîb ile bir müfettiş iʻzâm kılınmışdır. Her tabîbin berâberinde muʻâlecât ve malzeme-i sıhhiye bulunmakdadır. Mûmâileyhim Trakya'nın muhtelif mahallerini do- laşarak bîçâregân ve muhtâcînin emr-i tedâvîlerine ihtimâm edeceklerdir. Heyʼeti teşkîl eden zevât ber-vech-i âtîdir: Müfettiş Doktor Rifat Bey, Tabîb Ali Haydar, Tabîb Bahaeddin Şevki, Tabîb Ali Ferruh, Tabîb Ekrem, Tabîb Hüseyin Hakkı Beyler. _______________ Yunanistan'daki Türk Üserâsının Esâmî Cedvellerinden İki Kısmı Daha Geldi. İki seneden beri ele geçiremediğimiz Yunanistan'daki Türk üserâsına âid esâmî cedvellerinden iki kısmının cemʻiyetimize geldiğini geçen nüshamızda yazmış idik. Bu defa diğer iki kısmın daha vürûd eylediğini alâkadârâna iʻlân ederiz. _______________ Rodos Hilâl-i Ahmer Cemʻiyeti Geçen nüshasında teşekkülünü yazmış olduğumuz Rodos Hilâl-i Ahmer Cemʻiyeti 2.800 Os- manlı lirası cemʻ ederek İzmir Hilâl-i Ahmer Merkezi'ne göndermişdir. Bundan bir sene evvel Rodos Cemâʻat-i İslâmiyesi, Hilâl-i Ahmer için toplamış olduğu 4.127 Osmanlı lirasını Antalya vâsıtasıyla Ankara Hilâl-i Ahmer Murahhaslığı'na irsâl eylemişlerdir. Ro- dosluların bu iki iʻânesine adanın Musevîleri dahi iştirâk etmişlerdir. Hilâl-i Ahmer, fedâkâr Rodosluları tebrîk ve kendilerine alenen teşekkür eder. _______________ Sırb, Hırvat ve Sloven Salîb-i Ahmeri'nin Bir Teberruʻu Cenevre Beynelmilel Salîb-i Ahmer Cemʻiyeti, Hilâl-i Ahmer'e îsâl edilmek üzere Sırb, Hırvat ve Sloven Salîb-i Ahmeri'nden beş bin frank kabz eylediğini cemʻiyetimize bildirdi.