HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 15 525 Hilâl-i Ahmer Menfaʻatine Dekovil Hattı Şehrimizde intişâr eden Rénine gazetesi, 24 Teşrîn-i Evvel târîhli nüshasında âtîdeki telgrafnâ- meyi neşrediyor: "-Bursa 24 Teşrîn-i evvel 1338 [Ekim 1922] Kestel-Aksu hattının Yunanîler tarafından tahkîmi esnâsında inşâ edilmiş olan dekovil hattının taʻmîriyle Hilâl-i Ahmer menfaʻatine işletdirilmesi için istihzârât hitâm bulmuşdur. 22 kilometreden ibâret bulunan bu hat vâsıtasıyla civâr kurâ ve kasabât ile kolaylıkla münâkalât teʼmîn edilecekdir". _______________ Hilâl-i Ahmer Sineması Vâridâtı mahallî Hilâl-i Ahmer'ine terk edilmek üzere Samsun'da bir Hilâl-i Ahmer sineması işlemekde olduğu şehr-i mezkûrda çıkan Ahâlî gazetesinde okunmuşdur. _______________ Azîmet Hilâl-i Ahmer Merkez-i Umûmîsi Muhâsebe Müdürü Bedri Nedim Bey, Hilâl-i Ahmer'e mü- teʻallik bazı husûsâtın tesviyesi için 6 Teşrîn-i Sânî'de Ankara'ya azîmet etmişdir. _______________ [75] Hilâl-i Ahmer'e Hâricden Gelen Muʻâvenetler Bulgaristan Maʻlûlîn-i İslâmiyesi Cemʻiyet-i İttihâdiyesi Filibe havzasından 4.200 kuruş, Eski- zağra ahâlî-i İslâmiyesi'nden Kasım Efendi vâsıtasıyla 884,22 Osmanlı lirası, Yenizağra ahâlî-i İslâ- miyesi'nden 415,63 Osmanlı lirası, Kızanlık ahâlî-i İslâmiye'sinden 2.194,37 Osmanlı lirası, Yafa'da müteşekkil Anadolu Curehâ ve Maʻlûlîn Komisyonu Reîsi Müftî-i sâbık Mehmed Tevfik ed-Dücânî Efendi vâsıtasıyla 550 İngiliz lirası, Tunus'da çıkan el-Vezîr Gazetesi Müdürü et-Tayyib bin İsa Bey vâsıtasıyla 600 Fransız frangı (Vahran'dan Zedur Muhammed İbrahim Efendi 500, Darülbeyza'dan bir zât 50, Darülbeyza'dan Muhammed Kezel Neşu Efendi 50 frank), Yanbolu Hilâl-i Ahmer Derc-i İʻâne Komisyonu Reîsi Hasan Fehmi Bey tarafından ve Bahaeddin Bey vedâʻatıyla 29.410 leva, Tunus'da et-Tayyib bin İsa Bey maʻrifetiyle Tunuslu bir müteberriʻ tarafından 100 Fransız frangı, Cemâhîr-i Müttefika-i Amerika'da Peabody Şehri Cemʻiyet-i Hayriye-i İslâmiyesi tarafından 2.500 dolar, Şam'da merhûm İbrahim Hakkı Paşa zevcesi Fatma Hanım tarafından 23 İngiliz lirası 4 şilin, Amerika'da Worcester Cemâʻat-i İslâmiyesi nâmına H. Zülfü Bey tarafından 900 dolar. Bu para An- kara Himâye-i Etfâl Cemʻiyeti içindir. Hilâl-i Ahmer bu müteberriʻîn ve mütevassıtîn-i kirâma alenen takdîm-i şükrân eder.