HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 15 526 Hilâl-i Ahmer'in Dispanserleri Geçen Teşrîn-i Evvel zarfında Hilâl-i Ahmer'in Fatih Dispanseri'nde 19.240 ve Üsküdar Dispanseri'nde 872 hasta muʻâyene edilmiş ve muʻâyene edilenlere ilâc dahi meccânen verilmişdir. Bundan başka, Cağaloğlu Hastahânesi'ne mürâ- caʻat eden 1.075 hastadan 479'una meccânen ilâc verilmişdir. _______________ [76] Felâketzedelerimiz İçin Eşyâ Topluyoruz. Anadolu'da harâb olan memleketler ahâlîsinin maʻrûz kaldığı felâket ve sefâletin tehvînine âid her dürlü vesâiti, kud- reti derecesinde ihzâr etmekle meşgûl bulunan cemʻiyetimiz, muʻâvenetini tevsîʻ ve teşmîl için hamiyetkârân ve şefkat-per- verân milletin yeniden muʻâvenetine muhtâc bulunduğunu ve bilhâssa battâniye, yatak, yasdık, fanila gibi kışlık ve sıhhat ve hayâtı teʼmîne medâr olacak eşyânın aynen teberruʻuyla felâketzedegânın teskîn-i âlâmına pek mühim bir hizmet îfâ eyleyeceğini enzâr-ı dikkate arz eyler. Aynen vâkiʻ olacak te- berruʻâtı her gün Hilâl-i Ahmer'in Kantarcılar'da kâin anbârıy- la Sultân Mahmud Türbesi'nde Hanımlar Merkezi ve Kadıköy Hilâl-i Ahmer Şuʻbesi makbûz mukâbilinde kabûl eylerler. _______________ Hilâl-i Ahmer Şefkat Pulları Erbâb-ı hamiyet ve insâniyete ihtiyârî olarak tevdîʻ edil- mek üzere yüz para ve beş kuruş kıymetinde sûret-i nefîsede ihzâr edilmiş olan Hilâl-i Ahmer pullarının bi'l-umûm posta gişelerinde bulundurulması Posta ve Telgraf Müdüriyetince takarrür etmiş ve mezkûr pullardan mik- dâr-ı kâfi posta idârelerine tevdîʻ kılınmışdır. Hilâl-i Ahmer'in her teşebbüsü halkın rağbet ve teveccühüne mazhar olmakda bulunduğundan bu pulların da cemʻiyet için kıymetli vâridât olmasını ümîd ederiz. RUS ESÂRETİ HÂTIRALARI (On ikinci numaradan mâbaʻd ve son) Bu gibi muʻâvenât ve hidemât-ı meşkûreye devâm eden İsveç Salîb-i Ahmer Heyʼeti'nin mû- cib-i fahrî olacak aʻzâsından biri de şübhesiz bâlâda nâmı zikredilen Matmazel Helen Brändström'dür. Mûmâileyhâ, Omsk'daki mevkûfiyetini müteʻâkib salâhiyetini tecdîd ve tasdîk etdirdikden son- ra bir kere daha tekmîl Sibirya ordugâhlarını dolaşarak Aksâ-yı Şark'a kadar gitmiş ve Sibirya Hükû- met-i muvakkatesi erkânıyla ve iʼtilâf hükûmetleri murahhaslarıyla anlaşarak üserânın terfîh-i hâl ve taʻyîn-i mukadderâtı uğrunda durup dinlenmeden çalışmışdır. Tunus'da intişâr eden el-Müşîr ve el-Vezîr gazeteleri sâhib-i imtiyâz müdürü olup Mütâreke'den beri Hilâl-i Ahmer'e mebâliğ-i külliye cemʻine muvaffak olan muhterem ve gayûr dîndâşımız et-Tayyib bin İsa Beyefendi Taieb ben Aissa Bey, propriétai- re-directeur des journaux "El-Mou- chir" et "El-Ouazir" de Tunis, à qui le Croissant-Rouge présente ses meilleurs remerciements pour le concours qu'il ne cesse de lui prêter