HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 28 1079 kîlâtın sekiz aydan beri sarf eylediği mesâʻînin netâyic-i müsmiresine ıttılâʻ hâsıl etmişlerdir. Ancak melfûf mukâyeseli cedvellerle anlaşılacağı üzere her heyʼetin aynı derecede teʼmîn-i muvaffakiyet edememesi lâyık olduğu derecede sarf-ı mesâʻîye imkân bulunamamasından mütevel- lid olduğu anlaşılarak baʻdemâ taʻkîb edilecek tarz-ı mesâʻîye ayrıca dercine lüzûm görülen mübâde- le iʻânesi hakkında teʻâtî-i efkâr edilerek ber-vech-i âtî mukarrerât ittihâz edilmişdir. 1-Cemʻ-i İʻânât Heyʼetleri'nin vezâif ve tarz-ı mesâʻîleri hakkındaki taʻlîmâtnâmenin sekiz ay- lık devre-i mesâʻînin tecrübe esâslarına göre taʻdîli ve bunun iki ay sonra akdedilecek diğer bir cel- sede tesbîti 2-Taʻahhüdât ve tahsîlât-ı şehriyenin daha muvaffakiyetle teʼmîn-i cereyânı için bazı heyʼet- lerimizin tatbîk ve iyi netîceler elde etdikleri vechile, semtin her mahallesinde o mahallece maʻrûf muʻtemedler bulundurarak bu sûretle teşkîlâtın mahallâta kadar tevsîʻ ve teşmîli 3-Mübâdeleye tâbiʻ yüz binlerce dîndâşımızın muhâfaza-i sıhhat ve hayâtları ve teʼmîn-i istirâ- hatleri husûsunda Hilâl-i Ahmer Cemʻiyeti'nin başladığı hidemât pek muʻazzam vesâite ihtiyâc gös- terdiğinden cemʻiyetin vazʻiyet-i hâzıra-i mâliyesiyle bu vâdîdeki mesâʻîsine daha ancak bir müddet-i kalîle zarfında devâm edebileceği nazar-ı dikkate alınarak maʻâzallah taʻtîl-i faʻâliyet mecbûriyetine maʻrûz kalmamak için İstanbul halkının hissiyât-ı semâhatkârânesine mürâcaʻat edilmesi takarrür et- miş ve her hâneye melfûfen gönderilen matbûʻ mektûblardan birer tâne bırakılarak netîcesinin taʻkîb ve tahsîli husûsuna Cemʻ-i İʻânât Heyʼetleri'nin sarf-ı mesâʻî eylemeleri ve mübâdele iʻânesi nâmıyla toplanılan mebâliğin taʻahhüdât-ı şehriye tahsîlâtına karıştırılmayarak meşrûhan ayrı bir bordro ile vezneye tevdîʻi tensîb edilmişdir. Bi'l-vesîle teʼyîd-i hürmet olunur, efendim. 1 Kânûn-ı Evvel 1339 (1923) Reîs-i Sânî" _______________ "-Hilâl-i Ahmer Merkezi/Şuʻbesi Heyʼet-i Muhteremesi'ne, Muhterem Efendiler, Rumeli'den vatanımıza hicret edecek yarım milyon müslümân kışın şiddetine ve hicretin gûnâ- gûn mezâhim ve müşkilâtına rağmen aramıza gelmeğe hâzırlanıyorlar. Yabancı nazarlar altında çekdikleri azâba nihâyet vermek ve düşman zulmünden kurtularak anavatanlarına kavuşmak için her dürlü esbâb-ı refâh ve istirâhatini terk eden bu fedâkâr kardeşleri- mize yardım, alelâde insânî bir muʻâvenet olmakdan ziyâde millî ve dînî bir farîzadır. Bunların hasta- larına devâ, açlarına yiyecek, çıplaklarına giyecek vermek, istirâhatlarını tehyiʼe, meskenlerini ihzâr etmek pek muʻazzam vesâitle elde edilebilecek hizmetlerdir. Bu husûsda her dürlü fedâkârlığı dirîğ etmeyen hükûmet bile kâfi menâbiʻe mâlik olmadığı için [95] Hilâl-i Ahmer'den büyük yardımlara intizâr ediyor. Cemʻiyetiniz, yekdiğerini taʻkîb eden harb senelerinin masraflı hidemâtından kalan bütün mev- cûdunu tamâmen bu ulvî maksada hasr u tahsîs etmiş ve bilfiʻl işe de başlamış ise de bugünkü vazʻi- yet-i mâliyesi faʻâliyetde bulunmakda olan heyʼât-ı imdâdiyesinin daha ancak üç aylık masârıfını teʼmîne kifâyet edecek bir hâlde bulunuyor. Hâlbuki bu müessesâtın mübâdelenin arkası alınıncaya