HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 28 1080 kadar vazîfelerine devâm etmeleri lâzım geldiği gibi ihtiyâcın vüsʻat ü dehşeti karşısında sâha-i faʻâ- liyetin ve hudûd-ı muʻâvenetin tevsîʻi zarûreti de tahakkuk ediyor. Şimdiye kadar derʻuhde etdiği vezâif-i insâniyede efrâd-ı milletin gösterdiği teveccüh ve alâka sâyesinde muvaffakiyeti şiʻâr edinmiş olan cemʻiyetinizin bu mühim ve târîhî vazîfede de aʻzamî muvaffakiyeti ibrâz edebilmesi ancak ve ancak îfâ edeceği hidemâtın mütenâsib derecede mazhar-ı muʻâvenet olmasıyla kâbildir. Binâenaleyh bi'l-umûm merkez ve şuʻbe heyʼetlerimizin ber-vech-i âtî mevâdd-ı ahkâmına göre sarf-ı himmet ü gayret eylemeleri müsellem olan hamiyet ve insâniyet-perverliklerinden muntazardır. 1-Her merkez ve şuʻbenin cerâid veya vesâit-i mahalliye ile mevâʻiz ve hitâbelerle keyfiyeti ahâlîye iʻlân ü ifhâm eylemesi ve halkın hissiyât-ı vatan-perverânesini galeyâna getirecek her dürlü teşvîkât ve teşebbüsâta germî vermesi 2-Bu sâyede toplanacak iʻânâtın şuʻbeler tarafından mensûb oldukları merkezlere ve merkez- lerce de birikdirilerek merkez-i umûmîye en serîʻ vâsıta ile irsâl edilmesi 3-Mübâdeleye müteʻallik vezâifden Hilâl-i Ahmer'e teveccüh eden aksâmı hükûmet-i merke- ziye ile takrîr ve tesbît edilmiş ve iskân vekâletiyle merkez-i umûmîniz dâimâ temâs eylemekde bulunmuş olduğu gibi faʻâliyetin bir noktadan idâresi ve vesâit-i muʻâvenetin aynı noktada temerküz eylemesini iktizâ eylediği cihetle bu maksad için toplanacak iʻânâtın velev cemʻiyetin makâsıd-ı hayr-perverânesine müteʻallik olsa dahi mahallî ihtiyâcâtına katʻiyen sarfından ictinâb edilmesi 4-Bu tahrîrâtımızın vusûlünün işʻârıyla berâber taʻkîb edilecek tarz-ı mesâʻî ve istihsâl edilecek netâyic hakkında peyderpey maʻlûmât iʻtâsı. Müteʻaddid işʻâr ve ricâlara rağmen hâlâ bir eser-i faʻâliyet gösterememiş ve hattâ merkez-i umûmînizin muharrerâtına cevâb vermek lüzûmunu bile hissetmemiş olan şimdilik isimlerini zikret- mek istemediğimiz bazı merkez ve şuʻbelerimizin hiç olmazsa bu defa bir eser-i hayât ve mevcûdiyet göstermelerini bilhâssa ricâ ederiz. Merâkiz ve şuʻabâtın cemʻiyetinizin şu yoldaki umûmî mesâʻîsine derece-i iştirâkini iʻlân ü iʻlâm edeceğimizden cümlesinden bu vâdîde müsâbaka edercesine gayret ve faʻâliyetden intizâr et- mekde olduğumuzu beyân ve her birine ayrı ayrı hürmetlerimizi takdîm ile muvaffakiyet temennî eyleriz". _______________ Hilâl-i Ahmer Köyleri İngiliz işgâl ordusundan satın alınan eşyâdan mübâdele işlerinde istiʻmâl edilmeyeceklerin fürûhtundan hâsıl olan mebâliğle hükûmetin irâʼe edeceği mahallerde küçük "Hilâl-i Ahmer köyleri" inşâsına merkez-i umûmîce karâr verilmişdir. _______________ Hindistan'a Gidecek Hilâl-i Ahmer Heyʼeti Reîsicumhûr Gâzî Mustafa Kemal Paşa hazretleri tarafından neşredilen beyânnâmeyi Hindis- tan'da tevzîʻ ve Hilâl-i Ahmer nâmına iʻâne cemʻ edecek heyʼet aʻzâlığına Antalya Mebʻûs-ı muhte- remi Hoca Rasih Efendi hazretleri ile merkez-i umûmîmiz aʻzâsından Kemal Ömer Beyefendi intihâb edilerek keyfiyet hükûmet-i merkeziyeye arz edilmişdir.