HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 28 1082 Vefeyât-ı etfâl hakkında uzun müddetden beri tedkîkât icrâ etmekde olan Hilâl-i Ahmer Reîs-i Fahrîsi Müderris Doktor Besim Ömer Paşa vâlidelerinin sütü kifâyet etmeyen veya büsbütün sütden mahrûm olan pek küçük çocuklara Fransız Salîb-i Ahmeri'nin küşâd etdiği "süt damlası"nda muʻak- kim süt ve daha biraz büyüklerine mütekâsif süt ve un verilmekde olduğunu Hilâl-i Ahmer Merkez-i Umûmîsi celselerinden birinde mevzûʻ-ı beyân etdiği → [97] Hilâl-i Ahmer Hanımlar Merkezi'nde çocuklara süt ve un tevzîʻâtı Distribution dul ait et da la farine aux enfants faite par le Comité Central des Dames du C.R.T. sırada mezkûr "süt damlası"nın küşâdı târîhinden iʻtibâren çocukların haftada yalnız bir gün muʻâye- ne edilmesi ve mürâcaʻat edenlerin kesreti dolayısıyla bu muʻâveneti gayr-ı kâfi gördüğünü kemâl-i teessürle meclise teblîğ etdikden sonra on dört aylıkdan yukarı çocuklara fennî bir tarzda mütekâsif süt ve un verilmek üzere bir meblağ tahsîs edildiği takdîrde süt damlasının daha ziyâde muʻakkim süt tevzîʻ edilebileceğini teklîf etmiş ve teklîfinin kabûlü hâlinde Hanımlar Merkezi'nde bir tabîbin taht-ı nezâretinde olarak Hilâl-i Ahmer Cemʻiyeti nâmına bir teşkîlât meydâna getirilerek gerek süt damlasında muʻakkim sütden kesilen çocuklardan bazılarına ve gerek hâricden mürâcaʻat eden Türk yavrularına muʻâvenet ile bu maʻsûmların hayâtlarını kurtarmak kâbil olabileceğini beyânâtına ilâve etmiş idi. Merkez-i umûmî geçen Temmuz celsesinde teklîf-i vâkiʻi maʻa't-takdîr kabûl etmekle bu mak- sada sarf edilmek üzere iki bin lira tahsîsât vermiş idi. _______________