HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 28 1083 Nightingale Madalyası Merâsimi Hidemât-ı fevkalâdesini takdîren Nightingale madalyası ile taltîf edilen Hilâl-i Ahmer Hanım- lar Merkezi aʻzâsından Safiye Hüseyin Hanımefendi'ye işbu madalyanın merâsim-i mahsûsa ile taʻlî- kı takarrür etmiş olduğundan 17 Teşrîn-i Sânî [1]339 [Kasım 1923] târîhinde münʻakid merkez-i umûmî celsesinde → Hâmid Bey, Safiye Hüseyin Hanım'ı aʻzâ-yı kirâma takdîm ederek Çanakkale Harbi'nin en müşkil safahâtında yaralılarımıza karşı gösterdikleri fedâkârlıkları ve Mütâreke'den sonra Almanya ve Avus- turya'da kalmış olan Türk tebaʻasına ve talebesine ne sûretle muʻâvenetlerde bulunduğunu lisân-ı tak- dîr ve sitâyişle yâd etmiş ve Besim Ömer Paşa, Sa- fiye Hüseyin Hanım'ın Balkan Harbi'nde tederrüs etdiği hastabakıcılığı Balkan muhârebâtı ve Harb-i Umûmî esnâsında, ne büyük bir iktidâr ve ehliyetle tatbîk etdiğini söyledikden sonra ez-cümle bir nok- tada tevakkuf ederek Safiye Hanım'ın Almanya'ya hîn-i azîmetinde râkib olduğu vapurun tifüslülerle dolu olduğundan o vapurla gitmekden sarf-ı nazar etmesi bazı taraflardan tavsiye edilmiş olmasına rağmen vazîfesini sonuna kadar îfâda katʻiyen te- reddüd etmeyeceği cevâbını verdiğini hatırlatarak bu hareketin ulviyet ve kudsiyetine bilhâssa nazar-ı dikkati celb etmiş ve işbu madalyaya Safiye Ha- nım'ın min külli'l-vücûh kesb-i istihkâk etmiş oldu- ğunu ifâde eylemişdir. Doktor Mehmed Ali Bey, Safiye Hüseyin Hanım'la hastahânede berâber çalışdığı zamâna âid hâtırâtından bahsederek mûmâileyhânın vazî- fe-perverliğini takdîrât-ı mahsûsa ile yâd ederek Nightingale madalyasıyla taltîfinin kendisini ne derece mesrûr ve müftehir etdiğini söylemişdir. Baʻdehû Hamid Bey alkışlar arasında ma- dalyayı Safiye Hüseyin Hanımefendi'nin göğsüne taʻlîk etmişdir. Safiye Hüseyin Hanım hastabakıcılık ted- rîsâtının menâfiʻ ve lüzûmundan ve bizde de taʻam- müm etmesi temenniyâtını ızhâr etdikden sonra hâ- zırûna teşekkür ederek ictimâʻ salonundan çıkmışdır. Aynı merâsim 21 Teşrîn-i Sânî 1339 [Kasım 1923] târîhinde Hilâl-i Ahmer Hanımlar Merke- zi'nde icrâ edilmişdir. Bu merâsimde şehrimizde Fransız Salîb-i Ahmer Reîsesi Madam de Closières, Fransız Salîb-i Ahmer Süd Damlası Müdîresi Matmazel Verdo, Safiye Hanım'ın vâlidesi hanımefendi ile pederleri Ahmed Paşa, merkez-i umûmî aʻzâsından Doktor Mehmed Ali Bey, Doktor Besim Ömer Paşa ve Hilâl-i Ahmer Hanımlar Merkezi aʻzâsının kâffesi hâzır bulunmuşdur. Besim Ömer Paşa, Nightingale madalyasının kıymet ve ehemmiyetine dâir târîhî beyânâtda [98] Ahîren Nightingale madalyasıyla taltîf edilen Türk şefkat hemşîresi Safiye Hüseyin Hanımefendi Madame Safié Husséin Bey, décorée de la Médaille Florenge Nightingale