HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 28 1084 bulundukdan sonra Safiye Hüseyin Hanımefendi'nin hidemât-ı ber-güzîdesini zikir ve ebeveynini tebrîk eylemişdir. [99] Baʻdehû Hanımlar Merkezi reîse-i ûlâsı Prenses Nimet Hanımefendi madalyayı Safiye Hanım'ın göğsüne taʻlîk etmiş ve madalyanın kıymet ü ehemmiyeti ve hastabakıcının hidemât ve fedâkârlığı hakkında vecîz bir nutuk söylemişdir. Safiye Hanım'ın ebeveyni hâzırûnun hâr ve samîmî tebrîkâtını kabûl etdikden sonra Hanımlar Merkezi tarafından huzzâra bir çay ziyâfeti keşîde olunarak merâsime hitâm verilmişdir. _______________ Haydar Bey'in Siyâseti Hilâl-i Ahmer Merkez-i Umûmî aʻzâsından Türkiye Hilâl-i Ahmer Mecmûʻası Müdürü Haydar Bey cemʻiyetimize müteʻallik bazı umûrun tesviyesi zımnında Ankara'ya azîmet ve bir hafta sonra avdet etmişdir. _______________ Nizâmnâme-i Esâsînin Taʻdîli Nizâmnâme-i esâsîyi taʻdîle meʼmûr komisyon ikmâl-i vazîfe ederek tanzîm etdiği lâyihayı merkez-i umûmîye takdîm etmişdir. Merkez-i umûmî akdedeceği ilk celse-i fevkalâdede lâyihayı mevkiʻ-i müzâkere ve münâkaşa- ya vazʻ edecekdir. _______________ Hilâl-i Ahmer Dispanserleri Geçen Teşrîn-i Sânî zarfında Hilâl-i Ahmer'in Fatih Dispanseri'nde 1.109 ve Üsküdar Dispan- seri'nde 1.041 hasta muʻâyene edilmiş ve muʻâyene edilenlere meccânen ilâc dahi verilmişdir. Aynı müddet zarfında Fatih Dispanseri'nden 39 ve Üsküdar Dispanseri'nden 32 hasta berây-ı tedâvî has- tahânelere ve mütehassıslara iʻzâm edilmişdir. Cağaloğlu Hilâl-i Ahmer Dispanseri'nde eczâ alan muhtâcînin adedi 82'ye bâliğ olmuşdur. _______________