HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 28 1090 bu muʻazzam vezâif karşısında da teʼmîn-i muvaffakiyet için her vatandâşa yeni ve ulvî vazîfesini hâtırlatmak mecbûriyetindedir. Bu hitâbımızın lâyık olduğu ehemmiyetle telâkkî edileceğine emîn ve mutmain olarak fiʻlî teʼsîrâta intizâr ediyoruz. İdâre-i merkeziyemizle Kadıköy şuʻbemiz vez- neleri ve İstanbul'un muhtelif semtlerinde müteşekkil Cemʻ-i İʻânât Heyʼetleri makbûz mukâbilinde iʻânât ka- bûlüne âmâdedirler. Mübâdele, İʻmâr, İskân Vekâlet-i Celîlesi'nden 24 Teşrîn-i Sânî 1339 [Kasım 1923] târîhiyle Hilâl-i Ahmer Merkez-i Umûmîsi'ne keşîde edilen telgrafnâme sûretidir. "-Muhâcirlerimiz gelmeğe başladı. Bu azîz ve aynı zamânda mazlûmmisâfirlerimizi hiçbir sıkıntı çekdirme- den hattâ iʻzâz ü ikrâm sûretiyle memleketimizin harîm-i şefkatinde yerleştirmek ve beslemek vecîbe-i milliye ve şiʻâr-ı insâniyetdir. O muʻazzam ve mukaddes işi başara- bilmek için Hilâl-i Ahmer heyʼetlerinin aʻzamî faʻâliyete girmeleri lâzımdır. Binâenaleyh: 1-Vilâyetiniz dâhilindeki Hilâl-i Ahmer şuʻabâtına cemʻ-i iʻâne husûsunda peyrev olmanızı ve geceli gün- düzlü Hudâ-pesendâne mesâʻî ile emr-i hayrın husûlüne vakf-ı vücûd etmenizi ricâ ederim. 2-İʻânâtın tamâmen mâ-vuziʻa lehine sarfını teʼmîn için her bir sarfiyât mutlakâ Hilâl-i Ahmer Merkez-i Umûmîsi'nin emir ve tensîbiyle yapılmalıdır. 3-Müsmir icrââtınız netâyicine muntazarım. Mübâdele tarîkıyla Yunanistan'dan gelen muhâ- cirînin terfîhi için celb ü cemʻ edilecek iʻâne husûsunda sarf [103] edilecek faʻâliyete dâir vilâyât ve mıntıka müdüriyetlerine yazılan telgrafnâme sûreti bâlâ- ya nakledildi. Yunanistan'dan gelen, memleketimizin âğûş-ı hayâtına atılan dîndâşlarımızı muhtâc ol- dukları derecede tâm maʻnâsıyla terfîh ve ikdâr etmek müşkil olduğunu tabîʻî takdîr buyuruyorsunuz. Bu iʻtibârla efrâd-ı milletin hamiyet ve fedâkârlığına mürâcaʻat ve her dürlü müessesât-ı milliyeden ve bilhâssa Hilâl-i Ahmer müessesesinden istifâde etmek zarûrîdir. Gelmekde olan kardeşlerimizin terfîhine medâr olmak üzere meʼmûrîn-i mülkiye ile teşrîk-i mesâʻî ederek iʻâne celb ü cemʻi husû- sunda aʻzamî derecede sarf-ı gayret ü mesâʻî eylemeleri lüzûmunun bi'l-umûm Hilâl-i Ahmer şuʻa- bâtına teblîğiyle cemʻ edilen iʻânelerin yekûn-ı umûmî ve nevʻ-i mikdârından vekâlete her hafta muntazaman maʻlûmât verilmesini bilhâssa ricâ ederim. Mübâdele, İʻmâr ve İskân Vekîli Necati" Türklerin ve bütün cihân-ı İslâm'ın muvaffakiyetine rabt-ı kalb eylediği Mübâdale, İʻmâr, İskân Vekîl-i muhteremi Necati Beyefendi Nedjati Bey, Ministre de lʼéchange des populations, des reconstruction et de lʼinstalliation des immigrés