HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 28 1091 İşbu telgrafnâme üzerine Hilâl-i Ahmer Mer- kez-i Umûmîsi'nin merâkiz ve şuʻabâtına irsâl etdiği tahrîrât-ı umûmiye de ber-vech-i âtîdir: "-Hilâl-i Ahmer Merkez-i Umûmîsi'ne 586/81 numaralı ve 17 Teşrîn-i Sânî [1]339 [Ka- sım 1923] târîhli tahrîrât-ı umûmiyemize zeyldir: Makedonya'dan memleketimize gelecek yüz bin- lerce vatandâşımızın teʼmîn-i hayât ve istirâhatlerine maʻtûf olan cemʻiyetimizin mesâʻî ve hidemâtını tak- dîr buyuran Mübâdele, İʻmâr ve İskân Vekâlet-i Celî- lesi Hilâl-i Ahmer'e cemʻ-i iʻânât husûsunda rüesâ-yı meʼmûrîn-i mülkiyenin aʻzamî gayret ve muʻâvenet eylemeleri lüzûmunu sûreti merbût emirnâmesiyle bi'l-umûm vilâyâta teblîğ eylemiş olduğundan heyʼet-i aliyyelerinin de bu husûsda masrûf olacak mesâʻîsin- de hükûmet-i mahalliyeden aʻzamî istifâdeye bezl-i gayret buyurmasını ricâ eder ve Hudâ-pesendâne gay- ret ü mesâʻînizin netâyic-i müsmiresine intizâren ih- tirâmâtımızı teʼyîd eyleriz. 27 Teşrîn-i Sânî 1339 (1923) Reîs-i Sânî" _______________ İʻmâr ve İskân Mıntıkaları İskân ve İʻmâr Mıntıka Müdüriyetlerinin muhtevî olduğu vilâyât ber-vech-i zîrdir: Birinci Samsun Mıntıkası: Sinop, Samsun, Ordu, Giresun, Trabzon, Gümüşhane, Amasya, To- kad, Çorum vilâyetlerinden, İkinci Trakya Mıntıkası: Edirne, Kırkkilise, Tekfurdağı, Gelibolu, Çanakkale, Manisa, Aydın, Menteşe, Afyonkarahisar vilâyetlerinden, Beşinci Bursa Mıntıkası: Hüdavendigâr vilâyetinden, Altıncı İstanbul Mıntıkası: İstanbul, Çatalca, Zonguldak vilâyetlerinden, Yedinci İzmit Mıntıkası: İzmit, Bolu, Bilecik, Eskişehir, Kütahya vilâyetlerinden, Sekizinci Antalya Mıntıkası: Antalya, [104] Isparta, Burdur vilâyetlerinden, Dokuzuncu: Konya, Niğde, Kayseri, Aksaray, Kırşehir vilâyetlerinden, Onuncu Adana Mıntıkası: Adana, Mersin, Silifke, Kozan, Cebel-i Bereket, Ayıntab, Maraş vilâ- yetlerinden ibâretdir. Mübâdele, İʻmâr ve İskân Vekâlet-i Celîlesi'yle münâsebâtı teʼmîn etmek üzere Ankara'da ibkâ edilen Hilâl-i Ahmer Murahhası Doktor İsmail Besim Paşa Dr. Ismaïl Bessim Pacha Délégué du Croissant Rouge à Angora