HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 28 1098 lere yerleşdirilerek esbâb-ı istirâhatleri teʼmîn edilmişdir. Gelenlerin ancak bir kısmı muhtâc-ı muʻâ- venetdir. Eşyâları tamâmen yanlarındadır. Balıkçılığı sanʻat ittihâz etmiş olanlar levâzım-ı saydiye- leriyle onu mütecâviz sandâllarını berâber getirmişlerdir. İşbu kâfilenin ekseriyetini dülger, sıvacı, fırıncı ve balıkçı gibi sanʻatkârlar teşkîl etmekdedir. Muhtâc-ı muʻâvenet olanlarla çıplak çocuklar ilbâs edilmekdedir. Bu muhâcirler peyderpey Ayvalık'a naklolunacakdır. _______________ İzmir Hilâl-i Ahmer Merkezi Faʻâliyeti Sıtma hastalığı ile mücâdelede bulunmak üzere İzmir Hilâl-i Ahmer Merkezi tarafından Tepe- köyü'nde açılmış olan dispanserlerde bir buçuk ay zarfında bini mütecâviz hastanın muʻâyeneleri icrâ ve tedâvîlerine ihtimâm edilmişdir. Tutulan istatistiklere nazaran mürâcaʻat eden hastaların yapılan kan muʻâyenesinde yüzde yet- mişinin müzmin malarya musâbı olduğu tahakkuk etmişdir. *** Torbalı nâhiyesinde Hilâl-i Ahmer sıtmaya karşı katʻî mücâdeleye başlamış ve Hilâl-i Ahmer Fukarâ Muʻâyenehânesi binâsının vazʻ-ı esâs resmi 2 Kânûn-ı Evvel fî [1]339 [Aralık 1923] târîhinde icrâ edilmişdir. *** [109] Hanya ve Resmo'dan Giresun vapuruyla gelen 2.313 muhâcir Klazomen Tahaffuzhâ- nesi'ne çıkarılmış ve tathîrât-ı fenniyeleri icrâ edilerek esbâb-ı istirâhatları Hilâl-i Ahmerce teʼmîn olunmuşdur. İşbu muhâcirler de Ayvalık ile Edremid'de iskân edilecekdir. *** Yunanistan'da kalan bakıyye-i üserâmızdan Hilâl-i Ahmer Murahhası Doktor Ömer Lütfi Bey'in himmet ve delâletiyle meydâna çıkarılan 37 esîr ve 7 mültecî, Erşelagos vapurundan İzmir'de tesel- lüm edilmiş ve iʻâşeleri Hilâl-i Ahmerce îfâ edilerek müreffehen memleketlerine sevk olunmuşlardır. *** İzmir'de toplanmış olan iki bin dört yüz küsûr sivil Yunan üserâsı Erşelagos vapuruyla Yuna- nistan'a iʻâde edilmişdir. ***