HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 28 1100 Gelecek muhâcirlere lüzûmu olacak ekmeği Kordon Amele ve Mavnacılar Cemʻiyeti ve sigara, tütün tevzîʻini de Musevî cemâʻati derʻuhde etmişlerdir. Muhâcirîne tevzîʻ olunmak üzere Muhâcirîn-i [110] İslâmiye'ye Yardım Cemʻiyetinden bir san- dık çay ile bir çuval şeker teberruʻ olunarak İzmir Hilâl-i Ahmer Anbârı'na teslîm olunmuşdur. _______________ Sekerât-ı Mevt Sekerât-ı mevte dâir İsviçre Salîb-i Ahmer Mecmûʻası 'nda musâdif nazar-ı mütâlaʻamız olan bir bahsin tercemesini geçen nüshamıza derc etmiş idik. Aynı mevzûʻ hakkında efâzıl-ı eʻâzım-ı Mevle- viye'den Yenikapı Mevlevîhânesi Post-nişîni reşâdetlü Abdülbaki Efendi hazretleri tarafından kaleme alınarak mecmûʻamıza ihdâ buyurulan âtîdeki makâle ile bu nüshamıza tâb ü fer veriyoruz: "-Sekerât-ı mevtin Türkçesi ölüm sarhoşluğu demek olup lisân-ı şerîʻatda şiddet-i ıztırâb-ı mevtden hâsıl olan hâletdir. - Sekerât-ı mevt geldiği zamân insâna işte korkup kaçdığın ve nefret etdiğin ölüm budur denilir 8 maʻnâsındaki âyet-i celîleye nazaran mevt göründüğü gibi müdhiş değildir. Her kangı bir hâlet kesb-i iştidâd etdiği zamân zıddına münkalib olur , kazıyyesine binâen maraz-ı mevt de kesb-i iştidâd edince azâb-ı uzûbete münkalib olur. Sûfiye indinde elem ile sürûrun menşei birdir. Misâl olarak: - İnsân bir şeyden fevkalâde mesrûr olup gülerse muztarib ve müellim olduğu gibi şiddet-i elemden de kahkahalarla güldüğü vâkiʻdir, derler. Şu hâlde sekerât-ı mevt de azâb-ı mevtin şiddetin- den hâsıl olmuş latîf bir sarhoşlukdan ibâretdir. Erbâb-ı hakîkat ölümü uykuya da teşbîh ederler. Çünkü fahr-ı kâinât efendimiz: - Uyku ölümün kardeşidir 9 , buyurmuşdur. Şu kadar ki, müsterîhu'l-bâl ve emrâz-ı maʻneviye ve mâddiyeden âzâde ve âsûde-i hâl olanla- rın uykusuyla vicdânı lekelenmiş zâhirî, bâtınî bîmâr olanların uykusu müsâvî olamayıp: Hâb yek hâbest ammâ muhtelif taʻbîr hâst müeddâsınca her ikisi de bir uyku oldukları hâlde birisi kemâl-i istirâhatle latîf rüyâlarla hâbîde, diğeri envâʻ-ı ıztırâb ve azâb ile elem-dîde olduğu gibi: - Nasıl yaşarsanız o sûretle ölürsünüz, o sûretle haşrolunursunuz , meâlindeki hadîs-i nebevî mûcebince dünyâda iyi yaşayanlar, halka ve hâlıka karşı sû-i hâlde bulunmayan pâk vicdânlı kimse- lerin sekerât esnâsındaki hâli ile dâimâ kötülük ile tevaggul edenlerin hâli başka başkadır. Gerçi mevt, sekr de bir ise de teʼsîri değişir. Nitekim iyi kimselerin sarhoşluğu ile ahlâksızların sarhoşluğu başka başkadır. İşret güher-i âdemi temyîze muhikdir. Bazı muhtazırlar esnâ-yı mevtde harekât-ı şedîde gösterir ise sû-i âkıbetine, bilakis sessizce 8 Sûre-i Kaf. 9 "-En-nevmü ehu'l-mevt" ( Buhârî , sahîfe 14, c. 4).