HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 28 1108 Zîrâ milletimizin hasâil-i necîbesinden biri de düşmanlara yardım etmekdir. Şefkat ve muʻâve- net vâdîsinde küşâd edilen hiçbir dârü'l-hayr [117] yokdur ki, maktûr bulunduğumuz ulüvv-i himmet ve ulüvv-i cenâbdan mahrûm bırakılmış olsun. Şimdiye kadar teʼsîs edilen diğer cemʻiyât-ı nâfiʻaya nazaran Hilâl-i Ahmer teşkîlâtı iftihâr edilecek bir tekemmül ve inkişafa mazhar olmuşdur. Bunun sebebi bir Hilâl-i Ahmer Cemʻiyeti'nin diğer cemʻiyetlerle gayr-ı kâbil-i kıyâs bazı husûsiyetleri hâiz olmasıdır. Çünkü bu cemʻiyetin gâyesi bir emr-i ilâhîyi yerine getirmek ve vüsʻatimiz dâhilinde fî sebî- lillah bir emr-i hayra bezl-i muʻâvenet etmekdir. Bu ise insânî olduğu kadar da lâhûtî bir emirdir ve mürâcaʻatgâhı yalnız vicdân ve îmândır. Zuʻafâ, evliyâ-yı ümmetin hıfz u himâyeye mecbûr olduğu bir vedîʻatullahdır. Son zamânlarda ise memleketimize hicret eden ne kadar kan ve dîn kardeşlerimiz vardır ki, senelerden beri maʻrûz bulundukları müşkilât ve ıztırâbât içinde nihâyet topraklarımıza ilticâ sûretiyle cânlarını, şeref ve nâmûslarını kurtarabilmişlerdir. Bunlardan başka yaşayanlarımızın refâh u istiklâli için kendi hayât- larını fedâ eden şühedânın milletimize emânet bırakdıkları binlerce eytâm ve erâmil de mevcûddur. Bunların hepsi muʻâvenetimize müftekır ve muntazırdırlar. Bütün bunlara yapılacak ferdî yar- dımların ne kıymeti olabilir? Bir milletin kıymet-i ictimâʻiyesi müctemiʻan îfâ-yı vazîfedeki derece-i ittihâd ve muvaffakiyetleriyle ölçülür ve milletimizin bu husûsda ne kadar asîl ve ulvî bir kudrete mâlik olduğunu Hilâl-i Ahmer'imizi dünyânın en birinci cemʻiyetleri derecesine irtikâ etdirmiş olma- sından da anlayabiliriz. Vatanımızın her tarafında olduğu gibi yüksek rûhlu, asîl halkımızın da bu teşekkül eden cemʻi- yete aʻzamî muzâheretini dirîğ etmeyeceğini ümîd ederiz. Harbin açdığı cerîhalar bu ulvî cemʻiyet sâyesinde iltiyâm-pezîr olacakdır. Zîrâ bu muhterem cemʻiyetin ihtimâmkâr eli, bütün kuvvetini azîz milletimizin müşfik kalbin- den ve fedâkârlığından iktibâs eylemekdedir". *** Balıkesir'de Zafer-i Millî refîkimizin 22 Teşrîn-i Sânî 1339 [Kasım 1923] târîhli nüshasından: "-Dîndâşlarımızı Unutmayalım Vatandâşlar! Türk ilinin mukaddes harîmine ve Türk'ün mukaddesâtına tecâvüz eden zâlim düşmanlara karşı hürriyet ve istiklâl mücâdelesine girişen milletimize ve bu mücâdelede bize mâddeten ve maʻnen destgîr olan bi'l-umûm müslümânlara şimdi de yeni ve kudsî bir vazîfe teveccüh ediyor: Vatanımızın harîminde kahkarî bir hezîmetle boğulan Yunanlılar bütün gayz u intikâmlarını Yunanistan dâhilinde- ki kalan mazlûm dîn kardeşlerimize tevcîh etdiler. Bu mağdûr dîn kardeşlerimizin mâllarını, cânla- rını, ırzlarını gasb etmekden vahşî bir zevk alan Yunanlıların irtikâb etdikleri mezâlim ve fecâyiʻ her türlü kusûrun fevkindedir. Bizden istimdâd eden zavallı kardeşlerimizi kurtarmağa çalışan hükûmete muzâheret ve muʻâvenet etmek bi'l-umûm Türk ve müslümânlara müterettib bir vazîfe-i dîniyedir.