HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 29 1137 Müteʻâkiben rûznâmenin birinci mâddesi "14 Kânûn-ı Evvel [1]335 [Aralık 1919] târîhinde inʻikâd edip idârî ve mâlî muʻâmelâtı tedkîk etdiği hâlde esbâb-ı mücbire dolayısıyla ikmâl-i mesâʻî edemeyen Meclis-i umûmînin mâlî ve idârî komisyonlarının bu bâbdaki raporlarına nazaran dört senelik [1]331-[1]334 [1915-1918] muʻâmelât ve hesâbâtın ve [1]335 [1919] senesi büdceleriyle mevâdd-ı nizâmiyelerinin kabûl ve tasdîki"ne geçilerek idâre ve mâliye encümenleri intihâb edildi. İdâre encümeni intihâbı netîcesinde Sadeddin Ferid Bey 147, Kuddusi Bey 145, Midhat Bey 140 reʼy ve mâliye encümeni intihâbı netîcesinde Muvaffak Bey 206, Ekrem Necib Bey 178, Doktor Operatör Emin Bey 125 reʼy ile aʻzâ intihâb edildiler. Meclis-i Umûmî on beş gün sonra ictimâʻ etmek üzere celseye sâʻat beşde nihâyet verildi. *** Şimdiye kadar Hilâl-i Ahmer Meclis-i Umûmîsi'nin küşâdına imkân hâsıl olamamasına binâen reîsicumhûr hazretlerine meclis riyâsetinden keşîde [135] edilen telgrafnâme: "-Reîsicumhûr Gâzî Mustafa Kemal Paşa hazretlerine Hilâl-i Ahmer Meclis-i Umûmîsi, dört senedir mahrûm ve memnûʻ bulunduğu bugünkü ic- timâʻının mücâhedât-ı Hudâ-pesendânelerinin netîce-i mesʻûdesi olduğunu heyecân ve minnetle müdrik bulunduğu hâlde tahassüsât-ı şükür-güzârîlerinin müncî-i hakîkatlerine ve hükûmet-i milli- yesine arzı hakkında ittihâz etdiği ilk karârı mütemâdî alkış tufanı içinde iblâğına müsâraʻat ederken bu şükrân ve imtinânın derecâtına tercümân olamamakdan endîşenâkim reîs-i muhterem sevgili Gâzî Paşa hazretleri. 12 Kânûn-ı Sânî [1]340 [Ocak 1924] Hilâl-i Ahmer Meclis-i Umûmî Reîsi Abdurrahman Şeref " İşbu telgrafnâmeye reîsicumhûr hazretleri tarafından verilen cevâbî telgrafnâme: "-İstanbul Hilâl-i Ahmer Meclis-i Umûmîsi Reîsi İstanbul Mebʻûsu Abdurrahman Şeref Beyefendi'ye C. Hilâl-i Ahmer Meclis-i Umûmîsi'nin hakkımda ızhâr buyurduğu muhabbetden pek mütehas- sis oldum. Mesâʻî-i hayriyesinde muvaffakiyet-i kâmileye mazhariyetini temennî eylediğim meclis heyʼet-i muhteremesine memnûniyet ve teşekkürâtımın teblîğini ricâ ederim, efendim. 13.1.[1]340 [Ocak 1924] Türkiye Reîsicumhûru Gâzî Mustafa Kemal