HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 29 1138 Hilâl-i Ahmer Cemʻiyeti'nin reîsicumhûr hazretlerinin himâyesine tevdîʻi hakkında Meclis-i umûmîce ızhâr edilen arzu ve temennî reîs-i müşârunileyh hazretlerine şu telgrafnâme ile iblâğ edil- mişdir: "-Reîsicumhûr Gâzî Mustafa Kemal Paşa hazretlerine Dün ictimâʻ eden Hilâl-i Ahmer Meclis-i Umûmîsi, cemʻiyetin taht-ı himâye-i riyâset-penâhîle- rine tevdîʻine ve nizâmnâme-i esâsînin bu sûretle taʻdîline müttefikan karâr vermiş olmakla taʻdîlât-ı mukarrerenin îfâsı için heyʼet-i umûmiyenin bu istirhâmının lütfen kabûl buyurulmasını arz u istir- hâm eylerim. Fermân. 12 Kânûn-ı Sânî [1]340 [Ocak 1924] Hilâl-i Ahmer Meclis-i Umûmîsi Reîsi İstanbul Mebʻûsu Abdurrahman Şeref " Reîsicumhûr Mustafa Kemal Paşa hazret- lerinin cevâbı: "-İstanbul Hilâl-i Ahmer Meclis-i Umûmîsi Reîsi İstanbul Mebʻûsu Abdurrahman Şeref Beyefendi'ye C. Vatanın felâketli günlerinde kıymetdâr ve müsmir hidemât ve faʻâliyetini nazar-ı takdîr ile gördüğüm Hilâl-i Ahmer Cemʻiyet-i muhte- remesiyle dâimâ alâkadâr [136] bulunmaya me- dâr olabilecek teklîf-i âlîleri maʻa'l-memnûniye kabûl edilmişdir, efendim. 12 Kânûn-ı Sânî [1]340 [Ocak 1924] Türkiye Reîsicumhûru Gâzî Mustafa Kemal _______________ Hilâl-i Ahmer Meclis-i Umûmîsi'nde Konya Murahhası Hüseyin Hüsnü Bey Husseïn Husni Bey, délégué de Conia au Congrès du C.R.T.