HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 29 1147 Samsun İmdâd-ı Sıhhî Heyʼeti Faʻâliyeti 31 Kânûn-ı Evvel'de Gülcemal vapuruyla Samsun'a 664 nüfûs muhâcir vürûd ederek zuʻafâ, kadınlar, çocuklar ve kısmen eşyâ Hilâl-i Ahmer kamyonlarıyla ikâmetlerine tahsîs edilen misâfirhâ- neye nakledilmişdir. Muhâcirînin misâfirhâneye nakillerinin hitâmını müteʻâkib hepsi yegân yegân muʻâyeneden geçirilerek lâzım gelen edviye ihzâr ve iʻtâ olunmuşdur. Muhâcirînin ahvâl-i sıhhiyeleri heyʼet-i umûmiyesi iʻtibârıyla şâyân-ı memnûniyet bir derecede olup şimdiye kadar sârî bir hastalığa tesâdüf edilmemişdir. Elbiseleri pek pejmürde bir hâlde olan otuz nüfusa ayakkabı, fanila ve çamaşır ve diğerlerine ayrıca yüz battâniye verilmişdir. _______________ Tekfurdağı İmdâd-ı Sıhhî Heyʼeti 5 Kânûn-ı Sânî [1]340 târîhine kadar Tekfurdağı'na iki kâfilede dört bin iki yüz küsûr muhâcir vürûd ederek iksâ ve iʻâşeleri teʼmîn edilmişdir. _______________ Selanik, Kozana, Drama'da İʻâne Cemʻiyeti Teşebbüsü Selanik, Kozana ve Drama'da muhtâc-ı muʻâvenet dîndâşlarımıza yardım etmek üzere ahâlî-i İslâmiye tarafından Hilâl-i Ahmer Cemʻiyeti nâmına iʻâne derc etmek arzusu ibrâz edilmiş ve bu maksadla Selanik'de heyʼet-i faʻâle teşekkül ederek hükûmetden lâzım gelen müsâʻade de istihsâl olunmuşdur. Hilâl-i Ahmer heyʼet-i faʻâlesi, sâbık Belediye Reîsi [143] Osman Sadi Bey'i reîs, Hâfız Ali Bey'i reîs-i sânî, Bağcızâde Hüsnü Efendi'yi veznedâr ve Ali Demir Bey'i kâtib-i umûmî ve aʻzâ ola- rak İshak Tevfik, Sami, Osman Kapancı, Ahmed Şakir, Mehmed Kâmil, Mustafa Arif, Sıddık, Hamdi Beyefendileri intihâb etmişdir. İʻânâtın derci için muʻâvin heyʼetler teşkîl olacak ve iʻâne makbûzları reîs veya reîs-i sânî ile veznedârın imzâsını hâmil bulunacakdır. Üç parçadan ibâret olan makbûz ilmühaberlerinin ilk kısmı makbûzu veren zâtın yedine terk edilecek, orta kısmı Hilâl-i Ahmer Merkez-i Umûmîsi'ne gönderilecek ve dip koçanları heyʼet-i faʻâle nezdinde kalacakdır. _______________ 28'inci Hanya İmdâd-ı Sıhhî Heyʼeti Hanya İmdâd-ı Sıhhî Heyʼeti bir sertabîb, üç meʼmûr, iki hastabakıcı ve üç hademe ile 23 Kânûn-ı Evvel [1]339 [Aralık 1923] târîhinde Selanik tarîkıyla Drama'ya vâsıl olmuşdur.