HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 29 1151 matbûʻâtın kaydetmediği gün hemen yok gibidir. Zaʻf ve açlıkdan vefât edenlerin adedi çoğalmakda, ve'l-hâsıl Almanya Rusya'nın dûçâr olduğu avâkıb-ı vahîmenin taht-ı tehdîdinde bulunmakdadır. _______________ Kanada Salîb-i Ahmeri Kanada Salîb-i Ahmeri 1922 senesine 50.000 İngiliz liralık bir fazla vâridât devretdikden sonra aynı sene zarfında 500.000 lira da vâridât teʼmîn etdiğinden 302.000 liraya bâliğ olan masârıf-ı sene- viyesini kapatarak ihtiyât sermâyesine 250.000 İngiliz lirası tefrîk etmişdir. Kanada Salîb-i Ahmeri'ne mukayyed aʻzânın adedi 168.000 ve gençlik Salîb-i Ahmer aʻzâsının 72.705'dir. _______________ İtalya Salîb-i Ahmeri Cenevre Beynelmilel Merkez Komitesi'nin harb ve sulh zamânlarında mesbûk olan hidemât-ı ber-güzîde ve mesâʻî-i fevkalâdesinden dolayı İtalya Salîb-i Ahmeri beşeriyetin minnet ü şükrânına lâyık gördüğü mezkûr komiteye en büyük mükâfât olarak Büyük Altın Liyâkat Madalyası iʻtâ etmişdir. _______________ Muhârebeyi Müteʻâkib Frengi Mücâdelesi ve Romanya Salîb-i Ahmeri'nin Bu Husûsdaki Faʻâliyeti Harb-i Umûmî esnâsında cebhe-i harb menâtıkında birçok ecnâsdan mürekkeb orduların tekâlî- fi hasebiyle bu kitleler arasına tesâdüfî giren frengi vekâyiʻi çocuk ve kadınlarına yapacağı teʼsîrât-ı mühlikeden bî-haber ve gayr-ı şuʻûrî olarak efrâdı arasında azîm mikdârda intişâr etmiş idi. Hastalığa [146] yakalanarak edvârını geçiren eşhâs, muhîtleri için dâimî bir intân menbaʻı oldular. Bu sûretle köylere kadar bulaşan frengi hasebiyle bazı menâtıkda dâimî frengi ocakları husûle gelmiş, hattâ Salîb-i Ahmer heyʼetleri tarafından yapılan tedkîkâtda bazı köylerde musâbînin nisbet-i adediyesi % 90 dere- cesine kadar varmış idi. Hastalığa karşı mücâdele etmek üzere Sıhhi- ye Nezâreti ile mutâbık kalan Salîb-i Ahmer, bulaşan mıntıkalara frengi mücâdele grupları gönderdi. Bir grup ber-vech-i âtî bir sertabîb, müteʻaddid sıhhiye meʼmûrları, bir hastabakıcı kadın, bir şoför ve otomobil ile âlât ve eczâ-yı tıbbiyeyi hâvî porta- tif sandıklardan müteşekkildir. Mıntıkanın merkezine yerleşen tabîb evvelâ bi'l-cümle hastaların numara ve Frengili iki çocuk Deux enfants syphilitiques