HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 29 1155 Türkiye Hilâl-i Ahmeri'nin Mübâdele-i Ahâlî Muhtelit Komisyonu'nda murahhası bulunan Doktor Ömer Lütfi Bey'in Cuma sabâhı ekspresle Atina'dan geldiklerini yazmışdık. Müşârunileyhin Selanik'e seyâhati şehrimize ilticâ etmiş bulunan ve mikdârı otuz bin tahmîn edilen muhâcirlerin ah- vâl-i sıhhiyesiyle alâkadârdır. Doktor Ömer Lütfi Beyefendi'nin en büyük mesâʻîsi emrâz-ı sâriye zuhûruna mâniʻ olmak ve muhâcirler için azîm bir felâket olacak böyle bir bâdirenin önüne geçmekdir. Binâenaleyh burada alâkadâr zevât ile bu nukâtı müzâkere etdiği gibi muhâcirlerin en sıhhî şerâit içerisinde iskân ve müdâvât-ı sıhhiyeleri ile de meşgûl olmakdadır. Ötede beride, hân köşelerinde, ahırlarda veya açıkda kalan mübâdeleye tâbiʻ kardeşlerimiz pek yakın köylerde ve şehre yakın en müsâʻid şerâit-i sıhhiyeyi hâiz bir mahalde iskân edilmiş olacaklardır. Mübâdele mevsim iʻtibârıyla maʻatteessüf çok fenâ bir zamânda başlamışdır. Gelecek aylar lekeli tifo ve hummâ-yı râciʻa için bir tehlike teşkîl etmekdedir. Maʻamâfîh Hilâl-i Ahmer teşkîlâtının emrâz-ı sâriye tehlikesine karşı koyacağını kuvvetle ümîd ederiz. _______________ Amasya refîkimizin 5 Kânûn-ı Evvel târîhli nüshasından: "-Yardım Ediniz!… Kışın şedâidine, düşmanın mezâlimine göğüs gererek çoluk çocuklarıyla memleketimize ilticâ etmiş bulunan yüzlerce, binlerce dîn ve kan kardeşlerimiz bizden muʻâvenet, şefkat ve tesellî bekli- yor. Senelerden beri zâlim ve rezîl bir milletin taht-ı idâresinde esîr kalan bu mazlûm ve bahtsız kar- deşlerimizi şehrimizin her tarafında görüyorsunuz. Çehrelerinde akseden açlık, korku ve zulmün ver- diği ıztırâblar, hisseden ve hakîkî bir [150] Türk kalbi taşıyan her insânı ağlatacak bir mâhiyetdedir. Bütün bu yoksul ve muhtâc-ı muʻâvenet insânlar, yabancı bir neslin ve milletin evlâdı değildir. Hepsi senelerce bizimle birlikde şehâmet ve fedâkârlıkda bulunmuş, hepsi gayb etdiğimiz Rumeli'nin sâf ve maʻsûm Türkleridir. Onlar sefîl ve perîşân sürünürken evlerinde müsterîh olarak yiyip içecek, yatıp kalkacak tek bir insân tasavvur edemiyoruz. Muʻâvenetinizin az veya çok olmasından sıkılmayınız. En ufak bir yardım bir fakîrin gönlünü alacak, evini barkını gayb etmiş bir âileyi bahtiyâr ederek sefâletden kurtaracakdır. Teberruʻâtınızı Hilâl-i Ahmer Cemʻiyeti'ne tevdîʻ ediniz!... Yardım ediniz, yardım ediniz!..." _______________