HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 30 1194 Baʻdehû Besim Ömer Paşa hazretlerinin teklîfi üzerine ko- misyon aʻzâsı meyânına iki hanımın da ilâvesi ve Hamdi Suad Bey'in teklîfi üzerine komisyon aʻzâsının ona iblâğı kabûl edildi ve reʼylerin tasnîfi esnâsında da müzâkerâtın devâmı takarrür etdi ve âcilen taʻdîli iktizâ eden mevâddın gelecek ictimâʻa yetişdi- rilmesi mevzûʻ-ı bahis olarak intihâb edilecek komisyonun müs- taʻcel gördükleri mevâddı heyʼet-i umûmiyeye sevk etmesine karâr verildi. Baʻdehû İstanbul vilâyetinin de sâir vilâyetler gibi teşkîlâta mâlik olması ve senelik Meclis-i umûmîsini akdederek Meclis-i umûmîye aʻzâ göndermesi hakkında on imzâlı takrîr okunarak keyfiyetin evvel emirde merkez-i umûmîde tedkîk ve beyân-ı mütâlaʻa olundukdan sonra müzâkeresi takarrür etdi. Bundan sonra Hilâl-i Ahmer Merkez-i Umûmîsi'nde Hasta- bakıcılık Mektebi teʼsîsi hakkında on iki [176] imzâlı bir temen- nî takrîrî okunarak baʻde'l-müzâkere Operatör Emin Bey'in takrî- ri üzere teklîf-i vâkiʻ esâs iʻtibârıyla kabûl olunmakla tedkîkât-ı lâzıme bi'l-icrâ gelecek celsede heyʼet-i umûmiyeye arz edilmek üzere merkez-i umûmîye havâlesi karârgîr oldu. Baʻdehû kışın şiddeti münâsebetiyle İstanbul'da mevcûd harîkzede ve muhâcir gibi binlerce muhtâc-ı muʻâvenet kimseler bulunduğundan bun- lara muʻâvenet edilmesi husûsunda on beş imzâ ile verilen takrîr lede'l-kırâʼa berây-ı tedkîk merkez-i umûmîye havâle edildi. Müteʻâkiben mâlî ve idârî raporların müzâkeresine geçilerek mâlî komisyon aʻzâsından Muvaffak Bey'in gerek eskiden kalan eşyâ gerek teberruʻ edilen ve yeniden alınan eşyânın defterlerinin fiyât-ı vasatî üzerinden yazılması muvâfık olduğundan kemâ fi's-sâbık devâm edilmesi husûsundaki teklîfi ile mâliye raporunun heyʼet-i umû- miyesi ve merkez-i umûmîye [1]335-[1]338 [1919-1922] seneleri hesâbât ve muʻâmelâtından dolayı berâat iʻtâsı ekseriyetle kabûl edildi. Hilâl-i Ahmer Meclis-i Umûmîsi'nde Ankara Murahhası Sadullah Bey Sadoullah Bey, délégué dʼAngora au Congrès du C.R.T. Hilâl-i Ahmer Meclis-i Umûmîsi'nde Edirne Murahhası Cemal Bey Djemal Bey, délégué dʼAndrinople au Congrès du C.R.T. Hilâl-i Ahmer Meclis-i Umûmîsi'nde Edirne Murahhası Arif Süleyman Bey Arif Suleiman Bey, délégué dʼAndrinople au Congrès du C.R.T.