HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 30 1195 Müteʻâkiben idârî raporun müzâkeresine başlanarak alım satım mesʼelesi ve müfettiş-i umûmî- nin vazîfesi hakkında tenkîdâtda bulunan Erzurum Murahhası Doktor Tevfik Salim Beyefendi'nin bu mesʼelenin heyʼet-i umûmiyede müzâkeresini teklîf etmesi üzerine idârî komisyon aʻzâsından Muhâmî Sadeddin Ferid Beyefendi muʻâmelât ve muahhar hesâbâtı tedkîk eylemekde olan müfet- tişlerin dahi nokta-i nazarı taʻayyün etdikden ve merkez-i umûmîden verilen cevâblar anlaşıldıkdan sonra yani müfettişlerin iʻtâ edecekleri idârî raporla berâber müzâkere edilmesini teklîf ederek kabûl edildi ve Kastamonu Murahhası Hulusi Beyefendi'nin an [1]335 [1919] ilâ [1]338 [1922] seneleri zarfında heyʼet-i merkeziyeyi teşkîl eden zevâta teşekkürü hâvî beyânât-ı tahrîriyesi istimâʻ edildi. Nizâmnâmenin taʻdîli için teşkîl olunan [177] komisyona Besim Ömer Paşa, Âkil Muhtar, Mehmed Celâl ve Haydar Beylerle Kuddusi, Doktor Sükûti, Hulusi ve Tevfik Salim Beylerin ve Na- kiye ve Nezihe Hanımefendilerin intihâb edildiği makâm-ı riyâsetden teblîğ olundu ve gelecek Cuma günü baʻde'z-zevâl sâʻat ikide ictimâʻ etmek üzere sâʻat beşde meclis taʻtîl edildi. İctimâʻ 3 Meclis-i umûmî, üçüncü ictimâʻını Reîs-i Evvel Abdurrahman Şeref Beyefendi'nin zîr-i riyâ- setlerinde 1 Şubat [1]340 [1924] târîhine musâdif Cuma günü akdeyledi. Kırâat olunan zabt-ı sâbık hulâsası tashîhen kabûl edilerek ber-vech-i âtî müzâkerâta ibtidâr olundu. Cemʻiyetin muʻâmelât-ı mâliyesini tedkîk için nizâmnâme mûcebince intihâb edilen mâlî ko- misyonun bu bâbda tanzîm eylediği raporun tabʻ edilmeden münâkaşası bi'l-kabûl kırâat edildi. Mâlî encümen nâmına ihzâr olunan raporu kırâat eden Muvaffak Bey bu husûsda şu îzâhatda bulundu: "-Hilâl-i Ahmer'in [1]335'den [1919] [1]338 [1922] nihâyetine kadar devâm eden muʻâmelât-ı Hilâl-i Ahmer Meclis-i Umûmîsi'nde Mamuretülaziz Murahhası İçmelizâde Nuri Bey Nouri Effendi, Itchineli Zadé, délégué de Moamouretul-Aziz au Congrès du C.R.T. Hilâl-i Ahmer Meclis-i Umûmîsi'nde Ordu Murahhası Ömer Ağazâde Hüseyin Avni Bey Omer Aga Zadé Husseïn Avni Bey, délégué dʼOrdou au Congrès du C.R.T.