HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 30 1196 mâliyesini murâkabe etmek üzere teşekkül eden encümenimiz, müessesenin usûl-i hesâbiyesini gâ- yet mazbût ve muntazam bulmuşdur. Vesâik-i müsbetenin muhâfaza ve tasnîfinde taʻkîb edilen usûl, tedkîkâtımızın sehîl bir sûretde îfâsına fevkalâde hizmet etmişdir. O derecede ki, muhtelif muʻâmelât arasındaki insicâm ve merbûtiyet karşısında encümenimiz beyân-ı takdîrât etmekden kendini alama- mışdır. Müessesenin muʻâmelât-ı mâliyesini tedkîk ederken 3.349.469 lira gibi mühim bir meblağın Mücâdele-i Milliye esnâsındaki muhtelif hidemât-ı milliyeye tahsîs edildiğine encümenimiz kemâl-i fahr ile muttaliʻ olmuşdur. Müesseseye 1.170.000 lira iʻâne verilmesi ve 1.751.353 lira mikdârında da teberruʻâtda bulunulması halkımızın yüksek hamiyetini, bu münâsebetle bir [178] kere dahi lisân-ı tebcîl ile yâda bir vesîle teşkîl eder. Encümenimiz, yalnız büdce kavâʻidine muhâlif bulduğu birkaç nokta hakkında iʻtirâzât serd etmek lüzûmunu hissetmişdir ki, bunlar da sırf şekle âiddir. Büdce nazariyâtı mûcebince sarfiyât için behemehâl bir tahsîsât lâzımdır. Tedkîkâtımız esnâ- sında bazen şuna tesâdüf etdik ki, yalnız vâridâtın kabûlü zımnen sarfiyâta da mesâğ vereceği mülâ- hazasıyla tahsîsât verilmediği hâlde bazı sarfiyât vukûʻ bulmuşdur. Meselâ, çiçek günü tevzîʻ edilen çiçeklerin evvelâ sarfiyâtı yapılarak bilâhare vâridâtdan tenzîl edilmişdir. Encümenimiz, yalnız büdce kavâʻidi iʻtibârıyla bunu doğru bulmamışdır. Diğer tarafdan demirbaş eşyâ mübâyaʻasında mübâyaʻâtın behemehâl tahsîsâtdan mahsûbu lâzım geldiği hâlde bu mahsûb, ayniyât vâsıtasıyla yapılmışdır. Bu da usûle muvâfık görülmediğinden tashîhi temennî edil- mişdir. Bir de bilançodaki bir mesʼele hakkında bazı îzâhât vermek istiyorum. Hilâl-i Ahmer'in ihtiyât akçesi tedkîk edildiği sırada sermâye meyânında bugün kıymet-i iştirâiyesi sıfır olan ve bilançoda yir- Hilâl-i Ahmer Meclis-i Umûmîsi'nde Çatalca Murahhası Müftü Osman Efendi Mufti Osman Effendi, délégué de Tchataldja au Congrès du C.R.T. Hilâl-i Ahmer Meclis-i Umûmîsi'nde Adana Murahhası Doktor Hurrem Bey Dr. Hourrem Bey, délégué dʼAdana au Congrès du C.R.T.