HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 30 1197 mi bin lira râddesinde bir mevkiʻ işgâl eden mark ve kron gibi bir takım paralar görülüyor. Bu fuzûlî mikdârın tenzîli ile ihtiyât akçesinin ona göre tasfiye edilmesine encümenimiz kâniʻ bulunmuşdur". Muvaffak Bey'in mâlî rapor hakkında verdiği îzâhâtın istimâʻ ve tasvîbini müteʻâkib mezkûr rapor reʼye vazʻ edilerek ekseriyetle kabûl edildi ve 1335 [1919] ilâ 1338 [1922] muʻâmelât-ı hesâbi- yesinden dolayı heyʼet-i merkeziyenin berâatı takarrür eyledi. Baʻdehû Kuddusi Bey tarafından idârî komisyon raporunun celse-i âtiyede heyʼet-i umûmiyeye takdîm edileceği beyân edildi. Hastabakıcılık hakkında heyʼet-i merkeziyenin tanzîm eylediği rapor kırâat edilerek Celâl Muhtar [179] Bey'in cüzʼî bir vâridâta mâlik olan Hilâl-i Ahmer'in hastabakıcılık teşkîlâtından dolayı ağır bir masrafa tahammül edemeyeceği mütâlaʻasıyla bir reʼy-i muhâlefete karşı ekseriyetle kabûl olundu. Ancak bu gibi husûsât için sarfı muktezî mebâliğin fevkalâde büdceye idhâl edildiği anlaşıldı ve fevkalâde büdcenin muvakkat bir mâhiyeti hâiz olmasından nâşi mezkûr mektebe muktezî mebâ- liğin âdî büdceye nakli için esâsı kabûl olunan raporun Mâliye Encümeni'ne tevdîʻi muvâfık görüldü. Hastabakıcılık Mektebi teşkîlâtı için îcâbı takdîrinde Sıhhiye ve Müdâfaʻa-i Milliye Vekâlet- lerinden muʻâvenet taleb edilmesi merkez-i umûmî aʻzâsından Doktor Besim Ömer ve Esad Paşalar tarafından vukûʻ bulan teklîf üzerine taht-ı karâra alındı. Mâliye Encümeni aʻzâsından Operatör Doktor Emin Bey'in Bursa'ya avdet etdikleri anlaşılarak mezkûr encümene en çok reʼy alan Haşim Beyefendi'nin intihâbı tensîb edildi ve baʻdehû teneffüs edilmek üzere celse on dakîka taʻtîl edildi. Hilâl-i Ahmer Meclis-i Umûmîsi'nde Denizli Murahhası Mustafa Hulusi Bey Moustapha Houloussi Bey, délégué de Denizli au Congrès du C.R.T. Hilâl-i Ahmer Meclis-i Umûmîsi'nde Diyarbekir Murahhası Münir Nazmi Bey Munir Nazmi Bey, délégué de Diarbekir au Congrès du C.R.T.