HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 30 1199 sini tamâmıyla îfâ etmiş bulunan bi'l-umûm aʻzâ-yı âmile, sâhib-i reʼy olmamak şartıyla Meclis-i umûmînin ilk yevm-i ictimâʻında hâzır bulunmak salâhiyetini hâizdir. Üçüncü Mâdde Her vilâyet merkezi, Meclis-i umûmîye deftere mukayyed aʻzâ-yı âmilesinin reʼy-i hafîsiyle ve ellide biri nisbetinde murahhas göndermek hakkını hâizdir. Adedi elliden zâid ve fakat ikinci bir elliye gayr-ı bâliğ bulunan aʻzâ-yı âmile için murahhas kabûl edilmez. Şu kadar ki, bir merkezin aʻzâ-yı mukayyedesi elliden noksân olsa dahi bir murahhas göndermek hakkını hâizdir. Dördüncü Mâdde Vilâyât merâkizince murahhas intihâb olunacak aʻzâ-yı âmilenin o vilâyet defterinde mukay- yed aʻzâ-yı âmileden olması meşrût değildir. Beşinci Mâdde İkinci mâddede mezkûr aʻzâdan yetmiş beş zât hâzır bulunmadıkça Meclis-i umûmî inʻikâd edemez. Yevm-i ictimâʻda bu ekseriyet hâsıl olamadığı hâlde ictimâʻ bir hafta sonraya taʻlîk ve key- fiyet gazetelerle iʻlân olunur. İkinci yevm-i ictimâʻda yine ekseriyet hâsıl olmaz ise, aʻzâ-yı mevcûde ile meclis [181] küşâd olunarak müzâkereye ibtidâr edilir. Altıncı Mâdde Hilâl-i Ahmer Nizâmnâme-i Esâsîsi 'nin on beşinci ve on dokuzuncu mâddeleriyle işbu nizâm- nâmeye muhâlif bulunan mevâdd-ı sâiresi ahkâmı mülgâdır. Hilâl-i Ahmer Meclis-i Umûmîsi'nde Kocaeli Murahhası Hakkı Bey Hakki Bey, délégué de Codja Ili au Congrès du C.R.T. Hilâl-i Ahmer Meclis-i Umûmîsi'nde Kastamonu Murahhası Hulusi Bey Huloussi Bey, délégué de Castamouni au Congrès du C.R.T.