HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 30 1200 Yedinci Mâdde İşbu nizâmnâme târîh-i neşrinden iʻtibâren merʻiyyü'l-icrâdır". İkinci mâdde pek harâretli müzâkerâta sebebiyet verdi. Nihâyet Sadeddin Ferid Bey'in teklîfi vechile ikinci mâddenin ikinci fıkrası tay ile âtîdeki şekilde kabûl olundu: "Hilâl-i Ahmer Meclis-i Umûmîsi, aʻzâ-yı müessise ile merkez-i umûmî aʻzâsından ve sûret-i in- tihâbıyla mikdârı üçüncü mâddede taʻrîf ve taʻyîn kılınan aʻzâ-yı âmile murahhaslarından teşekkül eder". Vaktin gecikmesine binâen diğer muʻaddel mâddelerin münâkaşa ve müzâkeresi gelecek Cu- ma'ya teʼhîr edilmek üzere sâʻat dört buçukda celseye nihâyet verildi. İctimâʻ 4 Hilâl-i Ahmer Cemʻiyeti Meclis-i Umûmîsi, dördüncü ictimâʻı 4 Şubat 1340 [1924] târîhine musâdif Cuma günü baʻde'z-zevâl sâʻat ikide Abdurrahman Şeref Beyefendi'nin taht-ı riyâsetinde Dârülfünûn Konferans Salonu'nda akdeyledi. Zabt-ı sâbık hulâsası kırâat ve tashîhen kabûl edildikden sonra rûznâmeye geçilerek [1]340 [1924] senesi alelâde ve fevkalâde büdcelerinin müzâkeresine başlandı. Mâliye Komisyonu aʻzâsından Muvaffak Bey söz alarak beyânât-ı âtiyede bulundu: "-Evvelce takdîm edilen büdceye nazaran şimdiki büdcede bazı farklar göze çarpar. Bu farklar da heyʼet-i celîlenizce sonradan küşâdına karâr verilen Hastabakıcılık Mektebi'ne sarfı elzem tah- sîsâtdan ileri gelmişdir. [1]340 [1924] senesi alelâde büdcesini tedkîk [182] edecek olursanız vâridâtın 80.500, masâ- rıfâtın 104.344 liraya bâliğ olduğunu müşâhede buyuracaksınız. Bundan anlaşılıyor ki, [1]340 [1924] senesi alelâde büdcesinde 23.844 lira açık vardır. Hilâl-i Ahmer Meclis-i Umûmîsi'nde Kayseri Murahhası tüccârdan Nurullah Sami Bey Nouroullah Sami Bey, délégué de Césarée au Congrès du C.R.T. Hilâl-i Ahmer Meclis-i Umûmîsi'nde Çankırı Murahhası Şaban Lütfi Efendi Chaaban Loutfi Effendi, délégué de Kiangri au Congrès du C.R.T.