HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 30 1203 muhtelif nakid ve ayniyât hesâbâtı yekdiğerine o kadar sıkı râbıtalarla bağlanmışdır ki, herhangi birinde vukûʻa getiri- lecek en küçük bir hatâ bile derhâl [185] umûmî muvâzene- yi ihlâl ederek tashîh edilmedikçe bilanço tanzîmi ihtimâ- line meydân bırakmamakdadır. Hattâ murâkabe husûsunda biraz ifrâta düşen muhâsebe heyʼeti, âidât makbûzları ve Hilâl-i Ahmer pulları gibi kıymetli evrâk muʻâmelâtını da hesâbât-ı umûmiye meyânına idhâl etmiş ve taʻkîb etdiği gâyeyi bi-hakkın teʼmîne muvaffak olmuş ise de bilanço yekûnlarının hakîkî erkâma nazaran bilâ-lüzûm yükse[l]til- mesi gibi maʻkûs bir netîceden de kendisini kurtaramamış- dır. Sinîn-i âtiye bilançolarında bu cihetin ıslâhına himmet buyurulması ehemmiyetle muntazardır. Bundan sarf-ı na- zar, hesâbât-ı muhtelifenin bu sûretle yekdiğerini itmâm ve murâkabe etmesi muʻâmelâtın selâmet-i cereyânı nokta-i nazarından en muvâfık bir tedbîr olup heyʼet-i umûmiyesi iʻtibârıyla muhâsebe muʻâmelâtı hakkında ise encümeni- mizce takdîrden başka söyleyecek bir şey yokdur. Muʻâmelât-ı mâliyeye gelince; bu dört sene zarfında Hilâl-i Ahmerce alelâde ve fevkalâde büdcelerden vukûʻ bulan sarfiyât yekûnu 3.149.461 liradan ibâret olup bunun kısm-ı küllîsi Anadolu Mücâhede-i Milliyesi'ne tahsîs edil- mişdir. Bu azîm masraf ise üç esâslı hâsılât ile teʼmîn edi- lebilmişdir ki, bunlar da derece-i ehemmiyetleri iʻtibârıyla iʻânât, satış hâsılâtı ve aynen sarf olunan eşyâ bedelâtından ibâretdir. İʻâne nokta-i nazarından, ahâlî-i hamiyet-mendânın gösterdiği tehâlük en büyük sitâyişlere sezâ olup bu yüzden yalnız [1]338 [1922] senesi zarfında vukûʻ bulan hâsılât bir milyon yüz yetmiş bin lirayı tecâvüz eylemişdir. Dört sene zarfında vukûʻ bulan teberruʻât-ı nakdiye yekûnu 1.750.333 lira- ya bâliğ olmakdadır. Satış hâsılâtı, anbârda mevcûd olup Hilâl-i Ahmerce ihtiyâcdan fazla görülen bazı eşyânın fürûhtu sûretiyle elde edilmişdir ki, cemʻiyete 900 bin liradan ziyâde bir vâridât teʼmîn etmek sûre- tiyle imdâd ve muʻâvenet mâddesinin bu derece vâsiʻ bir sûretde tatbîki husûsunda mühim bir âmil olmuşdur. Aynen sarf olunan eşyâ kıymetine gelince; hesâb-ı katʻîde irâʼe olunan 655 bin liralık yekûn, hakîkî kıymeti irâʼeden şübhesiz pek uzakdır. Fi'l-hakîka eşyâ-yı mezkûreden bir kısmı vaktiyle pek ucuz fiyâtlarla iştirâ edilmiş olduğu gibi bir kısmı da ashâb-ı hamiyet tarafından cemʻiyete bilâ-bedel teberruʻ edilmiş olduğu hâlde hesâbâta sarf olunduğu günlerin râyiclerine nazaran değil ancak an- bârca tahakkuk eden vasatî mübâyaʻa fiyâtları üzerinden geçirilmişdir. Şurası muhakkakdır ki, aynı tevzîʻâtı Hilâl-i Ahmer'den başka herhangi bir müessese icrâya tevessül etse idi birkaç misli para sarf etmedikçe aynı netîceyi istihsâle muvaffak olamazdı. İşte bu derece vâsiʻ muʻâmelâtı tedkîke ibtidâr eden encümenimiz, müddetin darlığından dolayı pek büyük müşkilâta maʻrûz kaldığını inkâr etmemekle berâber tedkîkâtını kendisince emniyet-bahş Hilâl-i Ahmer Meclis-i Umûmîsi ' nde Manisa Murahhası Mehmed Bey Mehmed Bey, délégué de Magnésie au Congrès du C. R. T.