HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 30 1204 olacak bir sûretde itmâma sarf-ı mesâʻî ederek hesâbât-ı katʻiye müfredâtını defâtir-i esâsiye muhte- viyâtıyla birer birer tatbîk ile lüzûm gördüğü vesâik ve evrâk-ı müsbeteyi hâdde-i tedkîkden geçirmiş ve bu sûretle sıkı bir murâkabe altına aldığı aksâm, muʻâmelât iʻtibârıyla muhâlif-i usûl ve dâʻî-i mesʼûliyet ahvâle musâdif olmamışdır. Encümenimiz bu ciheti memnûniyetle kaydetmekle berâber büdce nazariyâtına göre şâyân-ı tenkîd addetdiği iki mesʼele hakkında heyʼet-i muhteremelerinin na- zar-ı dikkatini celb etmekden de menʻ-i nefs edemez. Bunlardan birincisi alelâde büdceye dâhil olan vâridâtdan bir kısmının cibâyeti bidâyeten bazı masârıf ihtiyârına mütevakkıf olduğu hâlde şimdiye kadar yapılmış olan büdcelere buna mukâbil hiç [186] tahsîsât konulmayarak sarf olunan mebâliğin vâridâtından bi't-tenzîl üst tarafının îrâd kayde- dilmesidir. Misâl olarak çiçek günü hâsılâtı irâʼe olunabilir ki, bunun cibâyeti evvel emirde çiçek iʻmâli için para sarfına vâbeste olduğu hâlde [1]335-[1]338 [1919-1922] büdcelerinde bu bâbda hiçbir tah- sîsât mevcûd değildir. [1]340 büdcesinin hîn-i tedkîkinde, bu cihet nazar-ı dikkate alınarak fasılların ihtiyâc-ı umûmîyi teʼmîn edecek tarzda küşâdına iʻtinâ edilmesi derece-i vücûbdadır. İkincisi demirbaş eşyânın usûl-i mübâyaʻasıdır. İdârece iştirâsına lüzûm görülen bu nevʻ eşyâ için vukûʻ bulan sarfiyât ale'l-usûl fasl-ı mahsûsuna masraf kaydedilmek iktizâ ederken bu yolda ha- reket edilmeyerek sarfiyât yekûnu nakid hesâbâtından bi't-tenzîl demirbaş eşyâ sütûnuna ilâve olun- makdadır. Bu sûretle umûmî yekûnlerde bittabʻ hiçbir tahavvül vukûʻa gelmemekde ise de bu tarzda muʻâmele îfâsı esâs iʻtibârıyla doğru olmadığı gibi bi'l-umûm masârıfın behemehâl bir tahsîsâtdan mahsûb edilmesini âmir olan büdce kavâʻidine de muhâlifdir. Sene-i hâliyeden iʻtibâren bu yanlışlı- ğın da tekerrürüne meydân verilmemesi temennî olunur. Bu sûretle tedkîkâtını itmâm eden encümenimiz, berây-ı kabûl heyʼet-i muhteremelerine tevdîʻ kılınmış olan [1]334-[1]338 [1918-1922] hesâb-ı katʻîlerinde münderic erkâmı birer birer kontrol ederek defâtir-i esâsiyeye mutâbık olduklarına kanâʻat hâsıl etmiş olduğundan işbu hesâb-ı katʻîlerin vâridât ve sarfiyât yekûnleri olarak: Evvelen: Alelâde büdce vâridâtının 210.282 lira 10 kuruş 68 santim Sâniyen: Alelâde büdce sarfiyâtının 40.708 lira 17 kuruş 12,5 santim Sâlisen: Fevkalâde büdce vâridâtının 3.384.101 lira 42 kuruş 79,2 santim Râbiʻan: Fevkalâde büdce sarfiyâtının 3.108.753 lira 80 kuruş 61,2 santim olmak üzere kabû- lüyle işbu vâridât ve sarfiyâtdan dolayı merkez-i umûmînin tebriʼesi lüzûmunu heyʼet-i muhtereme- lerine teklîf eyler. 25 Kânûn-ı Sânî 1340 [Ocak 1924] İmzâ Necib İmzâ Sâbık Bursa Mebʻûsu Operatör Emin İmzâ Menemenlizâde Muvaffak"