HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 30 1208 Ecnebî bir memleketde gerek o memleketin millî Salîb-i Ahmer'i tarafından ve gerek teşekkül edecek heyʼetin kendi merkez-i umûmîsi tarafından tasvîb ve kabûl edilmedikçe ale'l-husûs Salîb-i Ahmer unvân ve alâmetinin istiʻmâli mevzûʻ-ı bahis olduğu zamân hiçbir ecnebî Salîb-i Ahmer heyʼeti teşekkül ve teessüs edemez. Ecnebî Hilâl ve Salîb-i Ahmer şuʻbesinin münhasıran kendi vatandâşları nezdinde sarf-ı mesâʻî etdiği tahakkuk etdiği takdîrde heyʼet-i merkeziye bu müsâʻadeyi vâsiʻ bir mikyâsda iʻtâya medʻuv- dur. İhtilâfı mûcib olacak mesâili merkez-i umûmîler Cenevre Merkez Komitesi'nin salâhiyet-i âli- yesine arz ve tevdîʻ edebilirler. * Ecnebî şuʻbeler, çalışacakları memleketlerin kavânîn-i mevzûʻa ve tedâbîr-i idâriyesine millî Salîb-i Ahmer derecesinde hürmete ve dâimâ millî Salîb-i Ahmer'le hâl-i mutâbakatda kalmağa mec- bûrdur. * Millî Salîb veya Hilâl-i Ahmer bulunmayan devletlerde teşekkül etmek arzusunda bulunan ecnebî şuʻbeler beynelmilel komitenin muvâfakatını istihsâle mecbûrdurlar. Bu şuʻbeler teşekkül etdikden sonra Salîb-i Ahmer menâfiʻ-i âliyesi îcâbâtına tevfîkan icrâ-yı nüfûz ve irâʼe-i misâl ederek bir müddet-i kalîle-i mümkine zarfında millî bir cemʻiyetin teessüsünü teshîl edeceklerdir. * Teşebbüsât-ı vâkıʻa sırf insânî bir mâhiyetde olacakdır. * Memâlik-i ecnebiyeye Salîb-i Ahmer heyʼetleri gönderildiği veya ecnebî memleketde şuʻbe küşâd edildiği zamân müdür-i mesʼûllerinin isimleriyle berâber keyfiyetin Beynelmilel Salîb-i Ahmer Komitesi'ne teblîği ve bunların faʻâliyetlerine dâir komiteye muntazaman maʻlûmât iʻtâsı şâyân-ı temennîdir. Salîb-i Ahmer Cemʻiyetleri nizâmnâme-i esâsîleri mütâlaʻa edilecek olursa birçoğunda memâ- lik-i ecnebiyede ikâmet eden vatandâşlara şuʻbe teşkîli hakkı merkez-i umûmîlerinin kabûl ve tasdî- kine taʻlîkan bahşedilmekde olduğu görülür. Meselâ bunlardan Avusturya Salîb-i Ahmeri'nin muʻad- del nizâmnâme-i esâsî[si]nin 20'nci mâddesi[nde] "Avusturya Salîb-i Ahmer Cemʻiyeti'nin idâre-i merkeziyesinin tasvîbine iktirân etmeksizin memâlik-i ecnebiyede şuʻbe teʼsîs edilemez" deniliyor. Sırp, Hırvat ve Slav nâmını taşıyan eski Sırp Salîb-i Ahmeri Nizâmnâmesi 'nin 22'nci mâddesi "Şimâlî ve Cenûbî Amerika'da ve Sırp tebaʻası [191] muhâcirîni ile meskûn memleketlerde îcâbât ve ihtiyâcât-ı mahalliye nazar-ı dikkate alı[n]mak şartıyla merkez-i umûmî Hâriciye Nezâreti'yle bi'l-iʼ- tilâf Sırp, Hırvat, Slav Salîb-i Ahmeri teşkîline teşebbüs edecekdir" [şeklindedir.] Hilâl-i Ahmer Nizâmnâme-i Esâsîsi 'nin 42'nci mâddesi "Memâlik-i ecnebiyede ikâmet eden Osmanlılar dahi sâkin bulundukları mahallerde şuʻbe teşkîl edebilir. Bu şuʻbelerin merciʻi Dersaa- det'deki merkez-i umûmîdir" [şeklindedir.] Bilâhare İsviçre Salîb-i Ahmer Cemʻiyeti Konferansı'nın bâlâdaki teklîf ve mukarrerâtını esâs ittihâz ederek İsviçre arâzîsinde ecnebî Salîb-i Ahmer faʻâliyet ve teşkîlâtına karşı pek mûşikâfâne ve müşkil-pesendâne tertîb etdiği nizâmnâmeyi ehemmiyetine binâen aynen âtîye naklediyoruz: -1- Beynelmilel Onuncu Salîb-i Ahmer Konferansı'nın 5 Nisan 1921 târîhli ictimâʻında müttehaz mukarrerâta tevfîkan ecnebî Salîb-i Ahmer teşkîlâtı, Beynelmilel Salîb-i Ahmer mefhûmu dâhilinde münhasıran makâsıd-ı insâniyeye hâdim olmak şartıyla İsviçre Cumhûriyeti arâzîsinde şuʻabât teʼsî-